03:22 - 27 Nov, 2022
რეკლამა/ხელმოწერა
2022-10-06 22:27:40, 372 ნახვა

პოლიტიკა
აზარაშვილი - „DRG სისტემის დანერგვას შეფერხება პაციენტების უკმაყოფილებაზე აისახება“

„DRG სისტემით, კლინიკებს ისეთ სატარიფო სისტემასა და საბაზისო ტარიფს განვუსაზღვრავთ, რომ პაციენტს გარკვეული თანხის დამატება აღარ მოუწიოთ“, - განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა. ზურაბ აზარაშვილმა DRG სისტემის მნიშვნელობაზეც ისაუბრა.

„დაპირებისამებრ, ყველაფერი მზად გვქონდა და 3 ოქტომბერს უნდა გაგვეშვა კიდეც სისტემა. თუმცა, ჯანდაცვის ასოციაციამ, წერილით, DRG-ს გადავადება გვთხოვა, რადგან, მათი თქმით, კლინიკებს სისტემები აქვთ გადასაწყობი. ვფიქრობ, კლინიკებს, ჰქონდათ საკმარისი დრო და საშუალება, სისტემები ისე გადაეწყოთ, რომ დათქმულ დროს DRG-ს დანერგვას მომზადებულები შეხვედროდნენ, ან მისი გაშვების შემდეგ, როცა სისტემა, ერთგვარად, საპილოტე რეჟიმში იმუშავებდა, პარალელურად განეხორციელებინათ საჭირო ცვლილებები. რაც უფრო შევაფერხებთ DRG სისტემის დანერგვას, მით მეტად აისახება ეს პაციენტების უკმაყოფილებაზე“, - აღნიშნა ჯანდაცვის მინისტრმა.

ზურაბ აზარაშვილის განცხადებით, სამინისტროს გუნდთან ერთად, DRG სისტემის დანერგვაზე მუშაობა 2022 წლის იანვარში დაიწყო და მისი დანერგვის საბოლოო ვადად ოქტომბერი განისაზღვრა. მინისტრის განმარტებით, პროექტზე, უცხოელ პარტნიორებთან, სხვა ქვეყნების მაგალითების გათვალისწინებით იმუშავეს.

DRG დიაგნოზთან შეჭიდული ჯგუფებით, სამედიცინო სერვისების დაფინანსების მოდელია, რომლითაც ავტომატურად გამოითვლება ის სამართლიანი ფასი, რასაც სახელმწიფო მოქალაქეების ხარისხიანი მკურნალობისთვის, დაწესებულებებს გადაუხდის.




ავტორი: NS (სტატია დაფინანსებულია),


სოციალური ქსელები
ჯაღმაიძე - რთულია სახელი შეურჩიოთ ცხრამუხის მონასტერში მოხდარს - მასმედიის მხრიდან ანტიეკლესიური კამპანია მოსახლეობაზე მძიმე გავლენას ახდენს
ჯაღმაიძე - რთულია სახელი შეურჩიოთ ცხრამუხის მონასტერში მოხდარს - მასმედიის მხრიდან ანტიეკლესიური კამპანია მოსახლეობაზე მძიმე გავლენას ახდენს
უკრაინის, პოლონეთისა და ლიეტუვის პრემიერ-მინისტრებმა ერთობლივ განცხადებას მოაწერეს ხელი
ბათუმის საჯარო სკოლების პედაგოგებისათვის სამედიცინო აქცია გაიმართა

ომი უკრაინაში

ვიდეო/LIVE

„შინ ევროპისკენ“ - რუსთაველის გამზირზე აქცია მიმდინარეობს












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics