ხელისუფლების დამოკიდებულება არის დამაბნეველი, გვესმის მესიჯები, რომელიც ეთანხმება გარკვეულწილად ანტიამერიკულ კამპანიას,- ამის შესახებ პარლამენტში მისულმა ამერიკის შეერთებული შტატების ელჩმა საქართველოში, კელი დეგნანმა განაცხადა. 

მისი თქმით, ბევრი დეზინფორმაცია ვრცელდება, თუმცა სიმართლე ის არის, რომ აშშ ბოლო 30 წელია ეხმარება საქართველოს განვითარებაში.

"არ მსურს გავაკეთო კომენტარი საქართველოს შიდა პოლიტიკურ თემებზე, ამას ხალხი ისედაც ხედავს. თუმცა, ხელისუფლების დამოკიდებულება არის დამაბნეველი. გვესმის მესიჯები, რომელიც ეთანხმება გარკვეულწილად ანტიამერიკულ კამპანიას, მეორეს მხრივ, პრემიერი და სხვა ხელისუფლების წარმომადგენლები გამოთქვამენ მზადყოფნას და სურვილს, რომ გაძლიერდეს პარტნიორობა შეერთებულ შტატებთან. ვიცით, რომ ბევრი დეზინფორმაცია ვრცელდება, თუმცა სიმართლე ის არის, რომ აშშ ბოლო 30 წელია ეხმარება ქვეყანას განვითარებაში",- განაცხადა დეგნანმა. 

ცნობისთვის, „ქართული ოცნებიდან“ წასული დეპუტატები, რომლებიც ანტიდასავლური განცხადებებით გამოირჩევიან და ამერიკელ პარტნიორებს ღიად ესხმიან თავს, ამიერიდან საზოგადოებას გზავნილებს ტელეკომპანია „პოსტ TV“-ის დახმარებით მიაწვდიან. 

როგორც სოზარ სუბარმა განაცხადა, მოძრაობა „ხალხის ძალას“ კიდევ ხუთი დეპუტატი უერთდება, რომელთაგან ერთ-ერთი ვიქტორ ჯაფარიძეა. მისივე თქმით,  ჯაფარიძემ შეიძინა „პოსტ TV“ წილის 52%, რაც მათ დაეხამრებათ, რომ "სათქმელი საზოგადოებამდე კიდევ უფრო ფართოდ მიიტანონ".

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times