“ჩვენს ჯარისკაცებს, თამამად შეიძლება ითქვას, რომ აქვთ ალბათ უკეთესი პირობები, ვიდრე უმეტეს ევროპის ქვეყნების ჯარს” - ასე უპასუხა თავდაცვის მინისტრმა ტელეკომპანია „პოსტვ“- ის ჟურნალისტის შეკითხვას იმის, თუ რა სჭირდება ყველაზე მეტად  ქართულ ჯარს.

ჯუანშერ ბურჭულაძემ აღნიშნა, რომ ქართულ ჯარში არ დარჩენილა არცერთი მიმართულება, სადაც ძირეული და ხარისხიანი რეფორმები არ განხორციელდა.

„მარტივად რომ გითხრათ, ეს არის კომპლექსური ღონისძიება, რაც მოიცავს სოციალურ პირობებს, ასევე შეიარაღებასა და კომფორტის შექმნას, რაც ჩვენ მოვახერხეთ ფაქტიურად. ჩვენს ჯარისკაცებს, თამამად შეიძლება ითქვას, რომ აქვთ ალბათ უკეთესი პირობები, ვიდრე უმეტეს ევროპის ქვეყნების ჯარს - დაწყებული უნიფორმით, მათი კვებით, მათი საცხოვრებელი პირობებით და ა.შ. სხვა კომპონენტი ძირითადი, რაც ჯამში შეადგენს ჯარისკაცზე ზრუნვას, მეტი არ არსებობს. ჩვენ ფაქტიურად არ დავტოვეთ არცერთი მიმართულება, სადაც არ მივიღეთ უმაღლესი ხარისხი“, - განაცხადა თავდაცვის მინისტრმა. 

თავდაცვის მინისტრმა თავდაცვის ძალებში შექმნილი პირობების მიუხედავად ყურადღება გაამახვილა ჯარის პოპულარიზაციის თემაზე.

მისი თქმით, ეს თავდაცვის სამინისტროს ერთ-ერთი მთავარი მიზანია და უახლოეს მომავალში შემუშავდება თავდაცვის კოდექსი, რომლის მთავარი სულისკვეთება ჯარის პოპულარიზაცია იქნება.

„გარდა შექმნილი პირობებისა, აუცილებელია პოპულარიზაცია. ჩვენ ამ მიმართულებითაც ძალიან ბევრ ნაბიჯს ვდგამთ. ესეც შეიძლება კრიტიკის საბაბი გახდეს და არის კიდეც. ამის წინააღმდეგ არის ზუსტად მიმართული ის კამპანიები დისკრედიტაციის, რაც იწარმოება ქართული ჯარის წინააღმდეგ. თუმცა, პოპულარიზაციის მიზანი ჩვენ ძალიან მკაფიოდ გვაქვს დასახული და მე დარწმუნებული ვარ, რომ მივაღწევთ ამ მიზანს. ჩვენ უახლოეს მომავალში მივიღებთ თავდაცვის კოდექსს, რომელიც იქნება შემუშავებული, დამტკიცებული და ეს იქნება სახელმძღვანელო, ალბათ უახლოეს მომავალში, ჩვენი თავდაცვის ძალების. კოდექსის მთავარი სულისკვეთება არის ჯარის პოპულარიზაცია“, - განაცხადა ჯუანშერ ბურჭულაძემ.

ავტორი: ექსპრესნიუსი,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე