რუსეთში, სკოლაში მომხდარი სროლის შედეგად დაღუპულთა რიცხვი 13-მდე გაიზარდა

2022-09-26 13:20:50, 1250 ნახვა

მსოფლიო

წინასწარი ინფორმაციით, რუსეთში, ქალაქ იჟევსკის 88-ე სკოლაში სროლის შედეგად სულ მცირე 13 ადამიანი დაიღუპა. აღნიშნულის შესახებ ინფრომაციას რუსეთის ფედერაციის საგამოძიებო კომიტეტი ავრცელებს.

კომიტეტის ცნობით, დაღუპულთა შორის 7 მოსწავლეა.

მათივე ცნობით, ევაკუაციის დროს კიდევ 21-მა ადამიანმა მიიღო ცეცხლსასროლი ჭრილობები და დაზიანებები. მათი უმრავლესობა პირველკლასელია. დაშავდნენ ბავშვები, მათ შორის, ფანჯრებიდან გადახტომებიც.

გავრცელებული ინფორმაციით, კაცმა, რომელიც სკოლას თავს დაესხა, მეოთხე სართულის 403 ოთახში თავი მოიკლა.

შეგახსენებთ, რომ ცოტახნის წინ, რუსეთში, ქალაქ იჟევსკის 88-ე სკოლაში შავ კოსტუმში ჩაცმული მამაკაცი შევიდა, დაცვის თანამშრომელს ესროლა, შემდეგ კი ბავშვებს ცეცხლი გაუხსნა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,