რუსეთის პრეზიდენტმა ვლადიმერ პუტინმა შესაძლოა გამოიყენოს ტაქტიკური ბირთვული იარაღი, მაგრამ ჯერჯერობით არ არსებობს არანაირი მტკიცებულება, რომ ამზადებს ასეთ დარტყმას. ამის შესახებ New York Times წერს .

აშშ-ს ადმინისტრაციის წარმომადგენლების თქმით, პუტინმა შესაძლოა გამოიყენოს ბირთვული იარაღი შავ ზღვაზე, ჩრდილოეთ ყინულოვან ოკეანეში ან უკრაინაში საჩვენებელი აფეთქების დროს. 

ექსპერტები თვლიან, რომ ნაკლებად სავარაუდოა, რომ რუსეთის ფედერაციის პრეზიდენტი ამას გადაწყვეტს, თუ გავითვალისწინებთ დასავლეთისა და მოსკოვის მოკავშირეების, როგორიცაა ჩინეთი და ინდოეთი. ამ უკანასკნელებმა უხეშად გააკრიტიკეს რუსი დიქტატორის მიერ ბირთვული იარაღის გამოყენება.

ცნობისთვის, 21 სექტემბერს რუსეთის პრეზიდენტმა ვლადიმერ პუტინმა ბირთვულ იარაღზე საუბრისას განაცხადა, რომ  გამოიყენებს ყველა შესაძლო საშუალებას  რუსეთის ფედერაციის ტერიტორიული მთლიანობის სავარაუდო საფრთხის შემთხვევაში.

შეერთებულმა შტატებმა გააფრთხილა რუსეთი უკრაინაში ბირთვული იარაღის გამოყენების შემთხვევაში "კატასტროფული შედეგების შესახებ".

ვოლოდიმირ ზელენსკიმ თქვა, რომ რუსეთის პრეზიდენტის ვლადიმერ პუტინის ბირთვული მუქარა ბლეფი კი არა, შანტაჟის პირველი ნაბიჯებია. მისი თქმით, მსოფლიო ახლა აგრესორი სახელმწიფოს მეთაურს აკავებს და მასზე ზეწოლა უნდა გააგრძელოს და არ მისცეს მას მსგავსი რიტორიკის გამოყენების უფლება.

ავტორი: ექსპრესნიუსი,

სოციალური ქსელები

ზელენსკი: რუსეთმა ბოლო 24 საათის განმავლობაში უკრაინის ქალაქებისა და დაბების წინააღმდეგ 1560-ზე მეტი დრონი გამოიყენა

გარდაბანში ავარიას 5 ადამიანი ემსხვერპლა

ივანიშვილის წარმომადგენელს სეფაშვილს ჰგონია, რომ სამთავრობო იმედისთვის აკრედიტაციის შეჩერება დემოკრატიის აკრძალვაა

აშშ-მ პოლონეთში 4000-ზე მეტი სამხედროს განთავსება გააუქმა