2022-09-20 10:43:22, 835 ნახვა
სამართალი
გენერალურ პროკურატურაში პარალელური ფინანსური გამოძიების წარმოების შესახებ სახელმძღვანელოს პრეზენტაცია გაიმართა
საქართველოს გენერალურ პროკურატურაში პარალელური ფინანსური გამოძიების წარმოების შესახებ სახელმძღვანელოს პრეზენტაცია გაიმართა. როგორც გენერალური პროკურატურის მიერ გავრცელებულ ინფორმაციაშია ნათქვამი, ღონისძიებაში, საქართველოს გენერალური პროკურორის პირველი მოადგილე, ბაკურ აბულაძე, გენერალური პროკურატურის საგამოძიებო ნაწილის უფროსის მოადგილე, ალექსანდრე მუყასაშვილი და უწყების სხვა ხელმძღვანელი პირები მონაწილეობდნენ. სახელმძღვანელოს პრეზენტაცია გენერალური პროკურატურის საგამოძიებო ნაწილის უფროსის მოადგილემ, ალექსანდრე მუყასაშვილმა გამართა. უწყების ცნობით, პარალელური ფინანსური გამოძიების წარმოების შესახებ სახელმძღვანელო საქართველოს გენერალური პროკურატურის საგამოძიებო ნაწილში შექმნილი სპეციალური სამუშაო ჯგუფის მიერ შემუშავდა, რომელიც მიზნად ისახავს დანაშაულებრივი გზით მოპოვებული ქონების მოძიება/ჩამორთმევის, უკანონო შემოსავლის ლეგალიზაციის და მასთან დაკავშირებული დანაშაულების წინააღმდეგ ბრძოლის ეფექტიანობის გაუმჯობესებას და ასევე, პარალელური ფინანსური გამოძიების წარმოების ერთგვაროვანი პრაქტიკის ჩამოყალიბებას. დოკუმენტი განკუთვნილია საგამოძიებო ორგანოების იმ თანამშრომლებისთვის, რომლებიც ახდენენ მატერიალური სარგებლით მოტივირებული დანაშაულების ან/და უკანონო შემოსავლის ლეგალიზაციის საქმეების გამოძიებას ან საპროცესო ზედამხედველობას. აღსანიშნავია, რომ უკანონო შემოსავლის ლეგალიზაციის წინააღმდეგ ბრძოლა საქართველოს პროკურატურის ერთ-ერთი მთავარი პრიორიტეტია. ამ დანაშაულის წინააღმდეგ ბრძოლის ეფექტიანობის გაზრდის მიზნით, საქართველოს პროკურატურის მიერ წლების განმავლობაში სხვადასხვა სახის აქტივობები სისტემატურად ხორციელდებოდა. შედეგად, ევროპის საბჭოს Moneyval კომიტეტმა მეხუთე რაუნდის შეფასების პროცესში, საქართველოს გენერალური პროკურატურის მიერ ფულის გათეთრების წინააღმდეგ ბრძოლის ეფექტიანობის გაზრდის მიზნით გატარებული ღონისძიებები პოზიტიურად შეაფასა. ავტორი: NS (სტატია დაფინანსებულია), „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|