ეს ის სცენარია, რაც იყო ბუჩაში, - რუსეთის პრეზიდენტის პრესსპიკერი, დიმიტრი პესკოვი იზიუმში აღმოჩენილ 440-ზე მეტი ცხედრის მასიურ საფლავებს სიცრუეს უწოდებს. 

როგორც პროპაგანდისტული მედია "ინტერფაქსი" წერს, პესკოვმა აღნიშნული ინფორმაცია უარყო და დასძინა, რომ უკრაინული მხარე "ყველაფერს ერთი სცენარის მიხედვით აკეთებს". 

„ეს ის სცენარია, რაც იყო ბუჩაში. ყველაფერი ერთი სცენარის მიხედვით ვითარდება. ეს ტყუილია“, - განაცხადა პესკოვმა ბრიფინგზე და დაამატა: „რა თქმა უნდა, ჩვენ სიმართლეს დავიცავთ“.

შეგახსენებთ, რომ იზიუმში, საიდანაც რუსული არმია გაიქცა, 440-ზე მეტი ცხედრის მასიური საფლავები აღმოაჩინეს.

სპეციალურ ვითარებაში გაუჩინარებულ პირთა საკითხთა კომისარის, ოლეგ კოტენკოს განაცხადებით, დაღუპულთა რაოდენობამ, შესაძლოა, გადააჭარბოს ბუჩას ტრაგედიას.

გარდა ამისა, როგორც გამოცემა  Reuters-ი კორესპონდენტები იტყობინებიან, მასობრივ საფლავში აღმოჩენილი ცხედრების ნაწილს ყელზე თოკი აქვს მოხვეული, ხელები კი შეკრული, რაც იმაზე მეტყველებს, რომ ყველა მათგანი დაბომბვისა და ავიაიერიშების შედეგად არ დაღუპულა.

ავტორი: ექსპრესნიუსი,

სოციალური ქსელები

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს