2022-09-12 10:24:54, 1822 ნახვა

---

უკრაინის გენშტაბი - თავდაცვის ძალებმა ოკუპანტებისგან 20-ზე მეტი დასახლებული პუნქტი გაათავისუფლეს

უკრაინის თავდაცვის ძალებმა ოკუპანტებისგან 20-ზე მეტი დასახლებული პუნქტი გაათავისუფლეს,- აღნიშნულის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

მათი ცნობით, ოკუპანტებისგან ტერიტორიების გათავისუფლების ღონისძიებები ხარკოვისა და დონეცკის რეგიონებში გრძელდება. 

მათივე ცნობით, გენშტაბი ამბობს, რომ უკან დახევის დროს რუსები პოზიციებს სწრფად ტოვებენ და გარბიან.

„გასული დღის განმავლობაში მტერმა 18 სარაკეტო და 39 საჰაერო დარტყმა განახორციელა მათ ტერიტორიზე, მათ შორის სამოქალაქო და სამხედრო ობიექტებზე, დაზარალდა 30-ზე მეტი დასახლება",- აღნიშნულია განცხადებაში.

გარდა ამისა გენშტაბის ცნობით,  რუსებმა სარაკეტო იერიში მიიტანეს ხარკოვის თბოელექტროსადგურზე, რომელიც ქალაქის კრიტიკულ ინფრასტრუქტურულ ობიექტს წარმოადგენს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი