შეერთებულმა შტატებმა მხარი არ დაუჭირა ევროკავშირის ქვეყნების გეგმებს რუსებისთვის შენგენის ვიზების გაცემის შეზღუდვის შესახებ. ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა ჯონ კირბიმ ტელეარხ Dozhd- თან  ინტერვიუში განაცხადა .

მისივე თქმით, უკრაინაში  დაწყებულ უმიზეზო ომში დამნაშავე რუსეთის პრეზიდენტი და მისი გარემოცვაა. კირბის მოსაზრებით "თავად რუსები  არ უნდა დაზარალდნენ ომის შედეგად."

" ჩვენ დავაწესეთ სავიზო შეზღუდვები ცალკეული პირებისთვის.  ჩვენ გვჯერა, რომ ეს არის ინსტრუმენტი, რომელიც  პუტინისთვის და მისი რეჟიმის მხარდამჭერებისთვის პასუხისმგებლობის დაკისრებას ხელს შეუწყობს. მაგრამ ჩვენ არ გვჯერა, რომ პუტინის ქმედებებზე ყველა რუსისათვის პასუხისმგებლობის დაკისრება არაპროდუქტიული ღონისძიებაა,"- განაცხადა კირბიმ.

ცნობისთვის, 31 აგვისტოს ევროკავშირის ქვეყნების საგარეო საქმეთა მინისტრები შეთანხმდნენ  რუსებისთვის ვიზების გამარტივებული გაცემის გაუქმებაზე. ამავდროულად, ისინი ვერ შეთანხმდნენ რუსეთის ფედერაციის მოქალაქეებისთვის ვიზების გაცემის სრულ აკრძალვაზე. ამის შემდეგ ლატვიამ, ლიტვამ, ესტონეთმა და პოლონეთმა განაცხადეს, რომ განიხილავენ ევროპული ვიზებით რუსეთის მოქალაქეების შესვლის შეზღუდვის დაწესებას.

ავტორი: ექსპრესნიუსი,

სოციალური ქსელები

ტრამპმა სი ძინფინი სექტემბერში თეთრ სახლში მიიწვია

საქართველოს ბანკი ფოთის საჭადრაკო კლუბის მხარდამჭერია

„ტოიოტა ცენტრი თეგეტამ“ სრულიად ახალი, მე-6 თაობის Toyota RAV4 წარადგინა

BOG Emolas Corporation-თან პარტნიორობს - კულტურული პროექტები აშშ-ში მყოფი ქართველებისთვის