გერმანიის კანცლერი ოლაფ შოლცი მხარს უჭერს ევროკავშირის გაფართოებას და მასში საქართველოს, უკრაინას, მოლდოვა გაწევრიანებას. ამის შესახებ კანცლერმა პრაღაში კარლის უნივერსიტეტში სიტყვით გამოსვლისას განაცხადა. 

მას ასევე დასძინა, რომ ეტაპობრივი გადასვლა უმრავლესობის კენჭისყრაზე გადადგმული ნაბიჯია ბლოკის ზრდისკენ, რაზეც ის მოუწოდებს ევროკავშირის 27 წევრს „დაახლოონ რიგები, მოაგვარონ ძველი კონფლიქტები და იპოვონ ახალი გადაწყვეტილებები“. 

გამოსვლაში სათაურით "ევროპა ჩვენი მომავალია", მან თქვა "ჩვენი ერთიანი ევროპის ზეგავლენა ბევრად უფრო ძლიერად უნდა ავიტანოთ... ევროპა ჩვენი მომავალია. და ეს მომავალი ჩვენს ხელშია".

შოლცმა ხაზი გაუსვა გერმანიის ერთგულებას ევროკავშირის გაფართოებისადმი და ხაზგასმით აღნიშნა, რომ ბლოკში უნდა გაერთიანდნენ დასავლეთ ბალკანეთის ქვეყნები, უკრაინა, მოლდოვა და, საბოლოოდ, საქართველოც.

„თუმცა, ამ გაფართოებულ კავშირში, წევრ ქვეყნებს შორის განსხვავებები გაიზრდება პოლიტიკური ინტერესების, ეკონომიკური გავლენისა და სოციალური უსაფრთხოების სისტემების უზრუნველყოფის კუთხით. დღეს, სადაც ერთსულოვნებაა საჭირო, ინდივიდუალური ქვეყნის მხრიდან ვეტოს უფლების გამოყენების და დანარჩენი წევრი ქვეყნების წინსვლისთვის ხელის შეშლის რისკი იზრდება ყოველი დამატებითი წევრი ქვეყნის მიღებისას. ამიტომ, მე შევთავაზე საერთო საგარეო პოლიტიკაში უმრავლესობის კენჭისყრაზე ეტაპობრივი გადასვლა, ისევე როგორც სხვა სფეროებში, როგორიცაა გადასახადების პოლიტიკა", -განაცხადა შოლცმა.

ავტორი: ექსპრესნიუსი,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს