სერბეთისა და კოსოვოს რესპუბლიკის წარმომადგენლები ახალ სასაზღვრო პოლიტიკაზე შეთანხმდნენ. ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა განაცხადა. 

ევროკავშირის ევროპული დიპლომატიის ხელმძღვანელმა აღნიშნა, რომ ბრიუსელის მხარდაჭერით ჩატარებული დიალოგის ფარგლებში მხარეებმა შეძლეს დოკუმენტებზე შეთანხმება.

„სერბეთი დათანხმდა გააუქმოს შესვლისა და გასვლის საბუთები კოსოვოს პირადობის მოწმობების მფლობელებისთვის, ხოლო კოსოვო დათანხმდა არ შემოიღოს ისინი სერბული პირადობის მოწმობების მფლობელებისთვის“, - თქვა ბორელმა და ხაზგასმით აღნიშნა, რომ მან მიიღო გარანტიები პრემიერ-მინისტრისგან. 

​"შეთანხმება მიღწეულია. ევროკავშირის მიერ ხელშეწყობილი დიალოგის ფარგლებში, სერბეთი დათანხმდა, გააუქმოს შესვლისას/გასვლისას დოკუმენტების მოთხოვნა კოსოვოს პირადობის მოწმობის მფლობელებისთვის, ხოლო კოსოვო დათანხმდა, რომ არ მოსთხოვოს ისინი სერბეთის პირადობის მოწმობის მფლობელებს. კოსოვოელ სერბებს, ისევე როგორც ყველა სხვა მოქალაქეს, შეეძლებათ, თავისუფლად გადაადგილდნენ კოსოვოსა და სერბეთს შორის პირადობის მოწმობების  გამოყენებით", - წერს ბორელი.

ავტორი: ექსპრესნიუსი,

სოციალური ქსელები

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება

მადიარმა ორბანის მიერ გამოცხადებული საგანგებო მდგომარეობა გააუქმა

პირველკლასელთა ტერიტორიული პრინციპით რეგისტრაცია 15 მაისს დაიწყება