დამოუკიდებლობის დღეს, 24 აგვისტოს, სახალხო დეპუტატთა ჯგუფმა, უკრაინის უმაღლეს რადაში დაარეგისტრირა რეზოლუციის პროექტი ოპოზიციური პლატფორმის ყველა პარლამენტარის უფლებამოსილების უვადოდ შეწყვეტის შესახებ.

პროექტი ინიცირებული იყო „ევროპული სოლიდარობის“ სამი დეპუტატის, ალექსეი გონჩარენკოს, ვლადიმერ არიევის, სოფია ფედინასა და ფრაქცია „ხალხის მსახურის“ წევრის ოლეგ დუნდას მიერ.

დოკუმენტის ავტორები რადას სთავაზობენ ვადაზე ადრე შეწყვიტონ დეპუტატების უფლებამოსილება „ოპოზიციური პლატფორმა სიცოცხლისთვის“ წევრებს, რადგან მათ დატოვეს ამ პარტია, ზოგიერთი კი საზღვარგარეთ იმყოფება.

შეგახსენებთ, რომ 20 მარტს უკრაინის პრეზიდენტმა ვოლოდიმირ ზელენსკიმ განაცხადა, რომ ეროვნული უსაფრთხოებისა და თავდაცვის საბჭომ მიიღო გადაწყვეტილება, აეკრძალა „ოპოზიციური პლატფორმა სიცოცხლისთვის“ და ათზე მეტი პარტიის საქმიანობა საომარი მდგომარეობის დროს.

14 აპრილს რადამ გამოაცხადა ფრაქციის შეჩერების შესახებ, ისევე როგორც მისი ყველა უფლებამოსილების, მათ შორის, შემაჯამებელი საბჭოს სხდომებში მონაწილეობისა და მათი მოადგილეების საპარლამენტო კომიტეტებში ხელმძღვანელ თანამდებობებზე წარდგენის აკრძალვის შესახებ.

მოგვიანებით, უმაღლეს რადაში, დეპუტატებმა, რომლებიც იყვნენ ფრაქცია „ოპოზიციური პლატფორმა სიცოცხლისთვის“ წევრები, შექმნეს დეპუტატთა ჯგუფი „პლატფორმა სიცოცხლისა და მშვიდობისთვის“. ჯგუფში, რომელსაც იური ბოიკო ხელმძღვანელობდა, შედიოდა 25 დეპუტატი.

23 აპრილს უკრაინის ეროვნული უსაფრხოებისა და თავდაცვის საბჭოს მდივანმა, ალექსეი დანილოვმა გამოთქვა მოსაზრება, რომ ყოფილი „ოპოზიციური პლატფორმა სიცოცხლისთვის“ დეპუტატებს არ აქვთ უფლება შეცვალონ სახელი და დარჩნენ პარლამენტში. 

მისი თქმით, ყოფილი ოპოზიციური პლატფორმის დეპუტატებმა ბოდიში უნდა მოუხადონ უკრაინელებს და დატოვონ პარლამენტი.

12 მაისს უმაღლეს რადას აცნობეს ფრაქციის საბოლოო ლიკვიდაციის შესახებ. იმავე დღეს, მომავლის პარტიის საპარლამენტო ჯგუფის თანათავმჯდომარემ ტარას ბატენკომ განაცხადა, რომ უზენაეს რადაში დარეგისტრირდა კანონპროექტი, რომელიც შეუძლებელს ხდის „ოპოზიციური პლატფორმა სიცოცხლისთვის“ და სხვა პარტიების წარმომადგენლებისთვის პარლამენტში კენჭისყრას.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის