უკრაინის უშიშროების სამსახურის ცნობით, გამოავლინეს რუსეთის FSB-ის აგენტი, რომელიც  უზენაესი რადას შენობაში მოსასმენი აპარატურის დამონტაჟებას ცდილობდა.

SBU-ს სპიკერის არტემ დეხტიარენკოს თქმით, SBU- ს კონტრდაზვერვამ გამოავლინა რუსეთის ფედერაციის სპეცსამსახურების მიერ უკრაინის უმაღლესი რადას ადმინისტრაციის დამხმარე განყოფილების თანამშრომლის დაქირავების ფაქტი.

”მისი რუსი კურატორის მითითებით, აგენტს უნდა შეეგროვებინა დაზვერვა უკრაინის პარლამენტში უცხოური დელეგაციების ვიზიტების შესახებ, კერძოდ, მათი პირადი შემადგენლობის, ოფიციალური და არაფორმალური საუბრების შინაარსის შესახებ. გარდა ამისა, მას დაევალა შეესწავლა დარბაზებსა და ფოიეში ინფორმაციის საიდუმლო შეგროვების სპეციალური ტექნიკური საშუალებების დაყენების შესაძლებლობა“, - ნათქვამია განცხადებაში.

საქმეზე გამოძიება მიმდინარეობს.

შეგახსენებთ, რომ რამდენიმე დღის წინ, უკრაინის უშიშროების სამსახურის კონტრდაზვერვამ  დააკავა რუსეთის ფედერაციის FSB-ის აგენტი , რომელიც ხელმძრვანელობდა  სარაკეტო დარტყმებს, ზაპოროჟიეს ოკუპაციის შემთხვევაში "წამყვანი თანამდებობის" დაპირების სანაცვლოდ. 

ავტორი: ექსპრესნიუსი,

სოციალური ქსელები

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა

კაჩინსკიმ საკონსტიტუციო სასამართლოსთან დაკავშირებულ სიტუაციას სახელმწიფო გადატრიალება უწოდა