2022-08-18 09:49:59, 1025 ნახვა
მსოფლიო
ქაბულის მეჩეთში მომხდარ აფეთქებას 20-ზე მეტი ადამიანი ემსხვერპლა
ავღანეთის დედაქალაქ ქაბულის ერთ-ერთ მეჩეთში საღამოს ლოცვის დროს აფეთქება მოხდა. პოლიციის ინფორმაციით, შემთხვევას ათობით ადამიანი ემსხვერპლა, თუმცა რაოდენობა ჯერ დაუზუსტებელია. არ არის ცნობილი აფეთქების მიზეზიც.
თალიბანი წარმომადგენელმა Reuters-ს უთხრა, რომ შემთხვევის შედეგად 35 ადამიანი დაშავდა ან დაიღუპა, Al Jazeera-ს წყაროს ცნობით, აფეთქებას 20 ადამიანი ემსხვერპლა.
ქაბულის გადაუდებელი სამედიცინო დახმარების ცენტრის ცნობით, მათ 27 დაშავებული პაციენტი მიიღეს, მათ შორის, 7 წლის ბავშვი. Reuters-ის წყაროს ცნობით, დაღუპულთა შორისაა მეჩეთის იმამიც.
ავტორი: ექსპრესნიუსი,
epn.ge (@expressnews.ge)
