2022-08-16 10:29:57, 1414 ნახვა
ომი უკრაინაში
ჩუბაროვი - ყირიმში რუსული სამხედრო ბაზა იწვის
დროებით ოკუპირებულ ყირიმში, ჯანკოის რაიონის სოფელ ქალაიში (აზოვი) რუსეთის სამხედრო შენაერთს ცეცხლი გაუჩნდა. ამის შესახებ ყირიმელი თათრების კრების თავმჯდომარემ, რეფატ ჩუბაროვმა, Facebook-ზე განაცხადა.
ჩუბაროვის თქმით, საბრძოლო მასალის საწყობი იწვის.
"მოხსენება დროებით ოკუპირებული ყირიმიდან: წარმატებული დარტყმა ორკების სამხედრო ნაწილზე ჯანკოის რაიონის სოფელ კალაიში (ახლანდელი აზოვი). აფეთქებები ისმის ერთ საათია", - წერს ჩუბაროვი.
მანამდე ცნობილი გახდა, რომ 16 აგვისტოს დილით, ყირიმში აფეთქებები მოხდა.თვითმხილველების თქმით, აფეთქება მოხდა ჟანკოის რაიონში ელექტრო ქვესადგურში.
ავტორი: ექსპრესნიუსი,
epn.ge (@expressnews.ge)
