2022-08-15 14:21:02, 666 ნახვა
მსოფლიო
The Washington Post - რუსეთი უკრაინას ათობით ტრილიონი ღირებულების ბუნებრივ რესურსს პარავს
რუსეთი იპარავს არა მხოლოდ უკრაინულ მარცვლეულსა და ლითონს, არამედ წიაღისეულით მდიდარ ტერიტორიებსაც,- ამის შესახებ ინფორმაციას The Washington Post-ი ავრცელებს. გამოცემის ცნობით, რუსეთმა მოიპოვა კონტროლი ევროპის ყველაზე მინერალებით მდიდარ მიწებზე. „უკრაინას აქვს ტიტანისა და რკინის მადნის მსოფლიოში ყველაზე დიდი მარაგი, გამოუყენებელი ლითიუმისა და ნახშირის უზარმაზარი საბადოები. ერთობლივად, ისინი ათობით ტრილიონი დოლარი ღირს”,- წერს გამოცემა. ამრიგად, ქვანახშირის საბადოების წილი, რომელიც ათწლეულების განმავლობაში უკრაინაში ყველაზე მნიშვნელოვან ფოლადის მრეწველობას წარმოადგენდა, კონცენტრირებულია აღმოსავლეთში, მოსკოვის მიერ ოკუპირებულ ტერიტორიებზე, მათივე ცნობით, ახლა რუსეთს სურს ეკონომიკის განვითარება ოკუპირებულ ტერიტორიებზე - ამისთვის ის ეცდება განაახლოს მადნის მოპოვება და მარიუპოლში მეტალურგიული ქარხანაც კი გახსნას. „ოკუპირებულ ტერიტორიებზე ეკონომიკის აღორძინების მცდელობისას, რუსეთმა შეიძლება სცადოს განაახლოს სამთო და ფოლადის წარმოება, როგორც ეს გაკეთდა ოკუპირებული მარიუპოლის ორი დიდი ფოლადის ქარხნიდან ერთ-ერთში. მათ შორის, წინა მყიდველებთან წვდომის გარეშე და ნაკლებად სავარაუდოა, რომ რუსეთმა შეძლოს მაინინგისთვის საჭირო ინვესტიციების მოზიდვა“,- წერს The Washington Post-ი. შეგახსენებთ, რომ ამერიკელი ოფიციალური პირების და ISPR-ის ანალიტიკოსების ჯგუფმა, გამოაქვეყნა მოხსენება, რომელშიც რუსული ლითონისა და მარცვლეულის ძარცვის სულ მცირე 50 შემთხვევის მტკიცებულება შეგროვდა. ჯგუფის თქმით, ეს ძარცვა არღვევს ჟენევის კონვენციის ერთდროულად სამ მუხლს. ამასთან, ისინი ამჟამად მუშაობენ სამართლებრივ მექანიზმებზე, რომლებიც უკრაინას საშუალებას მისცემს მიიღოს რუსეთის ფედერაციის გაყინული აქტივები შეერთებულ შტატებში რეპარაციის სახით. გარდა ამისა, რუსეთმა უკვე მოიპარა და როსტოვში გადაიყვანა აზოვსტალისა და MMKI ქარხნებში წარმოებული მინიმუმ სამი ხომალდი.
ავტორი: ექსპრესნიუსი, |
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|