12 აგვისტოს, "საქართველოს ეროვნულმა ბანკმა", ახალგაზრდობის საერთაშორისო დღისადმი მიძღვნილი კონკურსის "ახალგაზრდები მოსწავლეებისათვის" ფინალისტებს უმასპინძლა.

კონკურსი ეროვნული ბანკის, პორტალ FinEdu.gov.ge-ს, ბაზისბანკისა და სხვა საფინანსო ორგანიზაციების ფინანსური ჩართულობითა და მხარდაჭერით განხორციელდა.

კონკურსის მიზანი ახალგაზრდა თაობის ფინანსური განათლების საკითხებით დაინტერესება და მოსწავლეებისთვის სასკოლო პროგრამებში მათი ჩართულობის ზრდა იყო. ახალგაზრდებმა, ფინანსური განათლების სწავლების მიზნით, საკუთარი იდეები წარმოადგინეს. კონკურსის ფარგლებში 60-მდე ნამუშევარი შემოვიდა, რომელთაგან ჟიურიმ 12 ფინალისტი გამოავლინა და ღონისძიებაზე მათ თავად წარადგინეს საკონკურსო იდეები.

კონკურსის პირობებით გათვალისწინებული კრიტერიუმების შესაბამისად, ჟიურიმ 5 გამარჯვებული გამოავლინა. კონკურსის თორმეტივე ფინალისტს, ბაზისბანკმა, ბრენდირებული სამახსოვრო საჩუქრები გადასცა, ხოლო მეორე საპრიზო ადგილზე გასული გამარჯვებული, 2,000 ლარით დააჯილდოვა.

ახალგაზრდების ფინანსური განათლება ერთ-ერთ პრიორიტეტულ მიმართულებას წარმოადგენს. წელს უკვე მეორედ, საქართველოში, ახალგაზრდობის საერთაშორისო დღე, ინოვაციური იდეებისა და პროექტების კონკურსით აღინიშნა, რომელიც ახალგაზრდებში ფინანსური განათლების საკითხების მიმართ ინტერესის ზრდასა და ცოდნის გავრცელებას შეუწყობს ხელს, რაც ახალგაზრდებს სამომავლოდ პასუხისმგებლიანი ფინანსური გადაწყვეტილებების მიღებაში დაეხმარებათ.

ავტორი: R (რეკლამა),

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი