საქართველოს  პარლამენტის ვიცესპიკერი, არჩილ თალაკვაძე  უკრაინის რადას ფრაქცია „ხალხის მსახურის“ თავმჯდომარის, დავით არახამიას მორიგ კრიტიკულ განცხადებას გამოეხმაურა. არახამიამ საქართველოს ხელისუფლება რუსეთთან თანამშრომლობაში დაადანაშაულა.

 თალაკვაძის თქმით გასაკვირია, რომ ომის ფონზე უკრაინის ხელისუფლების წარმომადგებლები საქართველოს შიდაპოლიტიკურ საქმეებზე სასაუბროდ იცლიან.

"ვინაიდან ჩვენი მეგობარი ქვეყანა უკრაინა იმყოფება რუსეთთან ომში, ჩვენ, რა თქმა უნდა, თავს ვიკავებთ მთელი ამ თვეების განმავლობაში, რომ გავაკეთოთ ის შეფასებები უკრაინის ხელისუფლებიდან კონკრეტულ პოლიტიკურ პირებთან მიმართებაში, რომელსაც სინამდვილეში ისინი იმსახურებენ. 

რაც შეეხება დავით არახამიას, პირდაპირ და მოკლედ მინდა გითხრათ, რომ მისი მხრიდან საქართველოს მიმართ არის არამეგობრული განცხადებები. როდესაც უკრაინაში არის ომი, რა თქმა უნდა, ჩვენთვის გასაკვირია, რომ პოლიტიკოსები, მათ შორის, პარლამენტის მაღალი თანამდებობის პირები იცლიან იმისთვის, რომ საქართველოს შიდაპოლიტიკურ საქმეებში ჩაერიონ. მისი განცხადებები პირდაპირ იმეორებს საქართველოში რადიკალური ოპოზიციის, "ნაციონალური მოძრაობის" ნარატივს,"- განაცხადა თალაკვაძემ.

შეგახსენებთ, რომ დავით არახამიამ საქართველოს ხელისუფლება რუსეთთან თანამშრომლობაში დაადანაშაულა და აღნიშნა, რომ 2008 წლის აგვისტოს ომის წლისთავთან დაკავშირებით საქართველოს მთავრობას არ ეყო გამბედაობა, აგრესორი გაეკიცხა.

ავტორი: ექსპრესნიუსი,

სოციალური ქსელები

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება

მაკა ბოჭორიშვილი - რატომ არის სრულიად სამყარო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას

სუს-ი - რუსეთის საოკუპაციო ძალების მიერ უკანონოდ დაკავებული საქართველოს სამი მოქალაქე თავისუფალია

საქართველოს ეროვნულმა კინოცენტრმა თბილისის საერთაშორისო კინოფესტივალს დაფინანსება შეუწყვიტა