ესტონეთმა რუსეთის მოქალაქეებისთვის საზღვრების ჩაკეტვის გადაწყვეტილება მიიღო,- ამის შესახებ ესტონეთის საგარეო საქმეთა მინისტრმა, ურმას რეინსალუმ განაცხადა.

მისი თქმით, შეზღუდვა შეეხება რუსეთის იმ მოქალაქეებსაც, ვისაც ესტონეთის მიერ გაცემული შენგენის ვიზა აქვთ, თუმცა დაშვებული ქინებაკონკრეტული გამონაკლისებიც.

„სანქციები ნიშნავს, რომ ვიზები ძალაში დარჩება, თუმცა მათი მფლობელები ესტონეთში შესვლას ვერ შეძლებენ“, - განაცხადა რეინსალუმ.

მისი თქმით, გამორიცხვის შემთხვევაში ესტონეთში შესვლას შეძლებენ შემდეგი პირები:

1. რუსეთის საელჩოს თანამშრომლები და მათი ოჯახის წევრები,
2. პირები, რომლებიც უშუალოდ მონაწილეობენ საქონლისა და მგზავრების ტრანსპორტირებაში,
3. პირები, რომლებიც სარგებლობენ თავისუფალი გადაადგილების უფლებით ევროკავშირის კანონმდებლობით ან რომელთა შესვლა ესტონეთში აუცილებელია ჰუმანიტარული მიზეზების გამო,
4. ნათესავის ან მეუღლის მონახულების მიზნით, რომელიც ცხოვრობს ესტონეთში ან აქვს ესტონეთში გრძელვადიანი ბინადრობის ნებართვა ან ესტონეთის მოქალაქე, ან რომელსაც ჰყავს საერთო შვილები მოწვეულ პირთან.

შეგახსენებთ, რომ მანამდე ესტონეთის პრემიერ-მინისტრმა კაია კალასმა ასევე მოუწოდა ევროკავშირის ქვეყნების ხელისუფლებას, დაუყოვნებლივ შეწყვიტონ ტურისტული ვიზების გაცემა რუსეთის მოქალაქეებისთვის.

ამასთა, ესტონეთის საგარეო საქმეთა სამინისტრო ვარაუდობს, რომ რუსეთის წინააღმდეგ ევროკავშირის სანქციების შემდეგ პაკეტში შეიტანოს ვიზების აკრძალვა.

ავტორი: ექსპრესნიუსი,

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ