ევროკავშირი რუსებისთვის შენგენის ვიზების გაცემის აკრძალვის საკითხის განხილვას გეგმავს,- ამის შესახებ ინფრომაციას „რადიო თავისუფლების“ ევროპის ბიუროს ჟურნალისტი რიკარდ იოზვიაკი ავრცელებს.

მისი თქმით, ევროკავშირის მინისტრები რუსეთის ფედერაციის მოქალაქეებისთვის ვიზების გაცემის აკრძალვას პრაღაში აგვისტოს ბოლოს გამართულ შეხვედრაზე განიხილავენ. 

„ამ ეტაპზე, ნაკლებად სავარაუდოა, რომ ევროკავშირი მთლიანობაში ერთობლივად დათანხმდება რუსებისთვის ტურისტული ვიზების გაცემის შეწყვეტაზე, მაგრამ, როგორც ეს არის ევროკავშირის მრავალი სანქციების შემთხვევაში რუსეთის წინააღმდეგ წელს, „ყველაფერი შესაძლებელია”,- წერს იოზვიაკი.

შეგახსენებთ, რომ პრეზიდენტმა ვოლოდიმირ ზელენსკიმ დასავლეთის ქვეყნებს მოუწოდა, დაკეტონ საზღვრები ყველა რუსეთისთვის.

აღნიშნულ ინიციატივას მხარი ესტონეთის პრემიერ-მინისტრმაც დაუჭირა და მოუწოდა ევროკავშირს შეწყვიტოს ტურისტული ვიზების გაცემა რუსებისთვის.

ავტორი: ექსპრესნიუსი,

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ