ლუგანსკის ოლქში დამპყრობლები ხალხს საკვების სანაცვლოდ ფსევდორეფერენდუმზე წასვლას აიძულებენ,- ამის შესახებ ლუგანსკის რეგიონალური სამხედრო ადმინისტრაციის ხელმძღვანელმა სერგეი გაიდაიმ განაცხადა.

მისი თქმით, ახლა გააქტიურებულია ე.წ. "რეფერენდუმისთვის" მზადება რეგიონის რუსეთის ფედერაციაში შესვლის შესახებ.

„ასეთი ვითარება შეიქმნა ლისიჩანსკში, სევეროდონეცკში, პოპასნაიაში, რუბიჟნიში, გორსკის, ზოლოტოისა და სხვა დასახლებებში, ოკუპანტებმა ფაქტობრივად გაანადგურეს ეს ქალაქები, ასობით ათასი ადამიანი უსახლკაროდ დატოვეს, რომელთა 90% ევაკუირებული იქნა. ბევრი დანარჩენი სარდაფებში და თავშესაფარში ცხოვრობს, ჯერ ყველაფრისგან „გათავისუფლდნენ“, ახლა კი იძულებულები არიან, ფსევდორეფერენდუმზე მივიდნენ“, - განაცხადა გაიდაიმ.

მისივე თქმით, ხელისუფლება ბოროტად იყენენს ძალაუფლებას და ხალხისგან მონაცემების გამოტყუებას ცდილობს.

„საოკუპაციო ხელისუფლება და თანამშრომლობითი საზოგადოებრივი მოძრაობა, საკვების ან სამშენებლო მასალების მიწოდების საფარქვეშ, აწყობენ შეხვედრებს რეგიონის მოსახლეობასთან. ისინი იტყუებენ მათ პერსონალურ მონაცემებს. აიძულებს ადამიანებს თავისუფლება გაცვალონ საკვებსა და სასმელ წყალზე“, - დასძინა გაიდაიმ.

შეგახსენებთ, რომ რუსი დამპყრობლები უკრაინაში 24 თებერვალს გამთენიისას შეიჭრნენ. მტერმა დაბომბა სამხედრო და სამოქალაქო ინფრასტრუქტურა და აიღო კონტროლი დასახლებებზე.

ავტორი: ექსპრესნიუსი,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა