ჩინეთმა გამოიწვია დაძაბულობა მთელს აზიაში მას შემდეგ, რაც დაიწყო უზარმაზარი სამხედრო წვრთნები ჰაერსა და ზღვებში ტაივანის გარშემო , მათ შორის, ბალისტიკური რაკეტების გასროლა კუნძულთან ახლოს, რომელთა ნაწილი იაპონიის წყლებში დაეშვა. ძალის ამგვარმა დემონსტრირებამ  შეაფერხა მსოფლიოს ერთ-ერთი ყველაზე დატვირთული ლოჯისტიკური და საფრენი სივრცე. 

წვრთნები, რომელიც მოიცავდა რაკეტებს, თავდასხმის შვეულმფრენებს და შეიარაღებულ ხომალდებს, მოეწყო აშშ-ის პალატის სპიკერის, ნენსი პელოსის  კუნძულზე  ვიზიტის საპასუხოდ . პეკინი ამტკიცებს, რომ ტაივანი მის შემადგენლობაშია და ძალის გამოყენებით იმუქრება.

ხუთშაბათის წვრთნები ტაივანთან უპრეცედენტო სიახლოვეს იყო და მოიცავდა PLA-ს საბრძოლო თვითმფრინავების და საზღვაო გემების შეჭრას ტაივანის სრუტის შუა ხაზის გასწვრივ -  არაოფიციალური საზღვარი ჩინეთსა და ტაივანს შორის.

იაპონიის თავდაცვის სამინისტრომ განაცხადა, რომ წვრთნების დროს ჩინეთის მიერ გაშვებული 11 Dongfeng ბალისტიკური რაკეტიდან სულ მცირე ხუთი ჩავარდა მის ეკონომიკურ ზონაში.

უცხოეთის მთავრობებმა , მათ შორის G7-მა და სამხრეთ-აღმოსავლეთ აზიის ქვეყნების ასოციაციამ (ASEAN) დაგმეს საომარი მოქმედებები და მხარეებს  სიმშვიდისკენ მოუწოდეს.

წვრთნები, რომლებიც კვირამდე გაგრძელდება, ხუთშაბათს ადგილობრივი დროით შუადღისას დაიწყო, ჩინეთის სახელმწიფო მაუწყებელმა CCTV-მ გამოაცხადა "მნიშვნელოვანი სამხედრო წვრთნების" დაწყება.

 "ჩავატარეთ დისტანციური სროლის წვრთნა ტაივანის სრუტეში, მათ შორის ზუსტი დარტყმები აღმოსავლეთ ნაწილში კონკრეტულ უბნებზე მოსალოდნელი შედეგები იქნა მიღწეული,"-  განაცხადა სახალხო განმათავისუფლებელი არმიის სარდლობამ.

შეგახსენებთ, რომ აშშ-ს წარმომადგენელთა პალატის სპიკერი ნენსი პელოსი ტაივანში   2 აგვისტოს, ადგილობრივი დროით გვიან საღამოს ჩავიდა.

თვითმფრინავის დაფრენიდან რამდენიმე წუთის შემდეგ, ჩინეთის საგარეო საქმეთა სამინისტრომ გამოაქვეყნა განცხადება, რომელშიც პელოსის მოგზაურობას  „ჩინეთის პოლიტიკის სერიოზულ დარღვევა" უწოდა, რომელიც  ჩინეთის სუვერენიტეტს არღვევდა,  საფრთხეს უქმნის მშვიდობასა და სტაბილურობას. 

მათივე თქმით, ეს ტაივანის სრუტეში და „არასწორ სიგნალებს" აგზავნის „ტაივანის დამოუკიდებლობის" მხარდამჭერებისთვის.

ავტორი: ექსპრესნიუსი,

სოციალური ქსელები

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს