ტაივანი გააძლიერებს თავდაცვით შესაძლებლობებსა და მჭიდრო კავშირს ისეთ ქვეყნებთან, როგორიცაა აშშ, რათა დაიცვას საერთაშორისო წესრიგი და რეგიონის უსაფრთხოება,- ამის შესახებ ტაივანის საგარეო საქმეთა სამინისტროს სპიკერის, ჯოან ოუმ განაცხადა.

მისი თქმით, მტრული ძალების მიერ არანორმალური სცენარის განვითარების შემთხვევაში, ტაივანი იმოქმედებს დაუყონებლივ და შესაბამისად. 

„ჩინეთმა გამოაცხადა მიზანმიმართული სამხედრო წვრთნები ტაივანის მიმდებარე ზონებში, რომელიც რამოდენიმე დღე გაგრძელდება. ჩვენი მთავრობა კიდევ უფრო მტკიცეა ხალხის სუვერენიტეტისა და ტერიტორიული მთლიანობის დაცვაში. მოვლენების განვითარებიდან გამომდინარე, ჩვენ არა მხოლოდ აქტიურად გავაძლიერებთ თავდაცვით შესაძლებლობებს, არამედ ასევე შევინარჩუნებთ ახლო კავშირს ერთნაირი შეხედულების მქონე ქვეყნებთან, როგორიცაა ამერიკის შეერთებული შტატები",- განაცხადა ჯოან ოუმ.

შეგახსენებთ, რომ ნენსი პელოსის ვიზიტის შემდეგ, შეიარაღებულმა ძალებმა ტაივანის კუნძულის გარშემო სამხედრო წვრთნები დაიწყეს, რომლებიც 7 აგვისტოს უნდა დასრულდეს.

წვრთნების შესახებ გადაწყვეტილება მიღებული იქნა მას შემდეგ, რაც ნენსი პელოსი ტაიპეიში ჩავიდა. ის არის ყველაზე მაღალი რანგის ამერიკელი დეპუტატი, რომელიც ეწვია თვითმართველ დემოკრატიულ კუნძულს ბოლო 25 წლის განმავლობაში.

მისი ვიზიტი მოხდა პეკინის მხრიდან გაფრთხილებების ფონზე, რომ შესაძლოა მოჰყოლოდა სამხედრო პასუხი, თუ პელოსი ეწვეოდა ტაივანს, რომელსაც ჩინეთი საკუთარ ტერიტორიად მიიჩნევს.

ავტორი: ექსპრესნიუსი,

სოციალური ქსელები

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს