აშშ-ის სენატმა NATO-ში ფინეთისა და შვედეთის გაწევრიანებას მხარი დაუჭირა. აღნიშნულის შესახებ ინფორმაციას გამოცემა Bloomberg-ი ავრცელებს.

გამოცემის თანახმად, ქვეყნების NATO-ში გაწევრიანების შესახებ წინადადებას მხარი 95 სენატორმა დაუჭირა, წინააღმდეგი კი 1 იყო.

სენატის ლიდერმა ჩაკ შუმერის თქმით, აღნიშნული ქმედება დასავლეთის ერთიანობის სიგნალი მას შემდეგ გახდა, რაც მოსკოვმა 24 თებერვალს უკრაინასთან ომი დაიწყო.

„ეს მნიშვნელოვანია არსებითად და როგორც სიგნალი რუსეთისთვის: მათ არ შეუძლიათ დააშინონ ამერიკა ან ევროპა. პუტინი ცდილობდა გამოეყენებინა თავისი ომი უკრაინაში დასავლეთის გასაყოფად. ამის ნაცვლად, დღევანდელი კენჭისყრა აჩვენებს, რომ ჩვენი ალიანსი უფრო ძლიერია, ვიდრე ოდესმე",- განაცხადა შუმერმა.

გარდა ამისა, პროცედურის დასრულებისთვის აუცილებელია ალიანსის წევრმა 30-ივე სახელმწიფოს პარლამენტებმა შესაბამისი გადაწყვეტილების რატიფიცირება მოახდინონ.

შეგახსენებთ, რომ ფინეთი და შვედეთი ნატო-ში გაწევრიანებისთვის მას შემდეგ, მიიწვიეს, რაც თურქეთმა ვეტო მოხსნა მათ წევრობაზე 28 ივნისს სამმხრივი მემორანდუმის ხელმოწერის შემდეგ.

სკანდინავიური ქვეყნების მხარდაჭერისა და გარკვეული ტერორისტული ჯგუფების მიმართ ტოლერანტობის გამო თავისი ეროვნული უსაფრთხოებით შეშფოთებულმა თურქეთმა თქვა, რომ თუ ქვეყნები არ დაემორჩილებიან შეთანხმებას, მათი წევრობის განაცხადი შეიძლება ისევ დაიბლოკოს.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის