17:23 - 29 Mar, 2024
რეკლამა/ხელმოწერა
2022-08-04 10:25:08, 708 ნახვა

მსოფლიო
აზერბაიჯანის თავდაცვა აცხადებს, რომ ყარაბაღში მნიშვნელოვანი დომინანტური სიმაღლეები კონტროლის ქვეშ აიღეს

აზერბაიჯანის არმიის ქვედანაყოფების მიერ განხორციელებული საპასუხო ოპერაციის შედეგად, კონტროლის ქვეშ აიღეს გირხგიზის, სარიბაბას და სხვა მნიშვნელოვანი დომინანტური სიმაღლეები მცირე კავკასიონის მთათა ჯაჭვის ყარაბაღის ქედის გასწვრივ, - ამის შესახებ ინფორმაციას აზერბაიჯანის თავდაცვის სამინისტრო ავრცელებს. 

უწყების ცნობით, სომხური შეიარაღებული დაჯგუფებების წევრები ცდილობდნენ აეღოთ კალბაჯარისა და ლაჩინის რაიონების მთაზე მდებარე გირხგიზის სიმაღლე და იქ ახალი სამხედრო პოზიციები აეშენებინათ.

"ოპერაციის ფარგლებში განადგურდა არალეგალური სომხური შეიარაღებული ფორმირებების რამდენიმე საბრძოლო პოზიცია, განხორციელდა საჰაერო დარტყმა სამხედრო ნაწილზე ყოფილი აღდერეს რაიონის დასახლება იუხარი ორათაღში. შედეგად განადგურდა და დაიჭრა არალეგალური სომხური შეიარაღებული ფორმირებების ცოცხალი ძალა, განადგურდა რამდენიმე D-30 ჰაუბიცა, სამხედრო მანქანა და დიდი რაოდენობით საბრძოლო მასალა.

აზერბაიჯანის რესპუბლიკამ არაერთხელ განაცხადა, რომ სამმხრივი განცხადების საწინააღმდეგოდ, საფრთხის წყაროა სომხეთის შეიარაღებული ძალების და არალეგალური სომხური შეიარაღებული ფორმირებების არსებობა აზერბაიჯანის ტერიტორიებზე, სადაც დროებით რუსი სამშვიდობოები არიან განლაგებული. ამ ტერიტორიების დემილიტარიზაცია, იქიდან სომხური ჯარების სრული გაყვანა და არალეგალური სომხური შეიარაღებული ფორმირებების განიარაღება აბსოლუტურად გარდაუვალი იყო.
თავდაცვის სამინისტრო აცხადებს, რომ აზერბაიჯანის რესპუბლიკის კონსტიტუციით ხელმძღვანელობით, ამიერიდან ჩვენი ქვეყნის სუვერენულ ტერიტორიებზე განხორციელებული ნებისმიერი ტერორი და პროვოკაცია მტკიცედ იქნება აღკვეთილი და საპასუხო ზომები კიდევ უფრო გამანადგურებელი",- წერია განცხადებაში. 

შეგახსენებთ, რომ, როგორც აზერბაიჯანული მედია წერს, 3 აგვისტოს, დილით, სომხური შეიარაღებული ფორმირებების წევრები აზერბაიჯანის ტერიტორიაზე, სადაც დროებით რუსეთის კონტინგენტია განლაგებული, ინტენსიურად ბომბავდნენ ლაჩინის რეგიონის მიმართულებით დისლოცირებულ აზერბაიჯანის არმიის პოზიციებს.

შედეგად, დაიჭრა მოქმედი სამხედრო მოსამსახურე, ქაზიმოვი ანარ რუსტამ ოღლუმი, რომელიც მიღებული ჭრილობების შედეგად გარდაიცვალა.

ევროკავშირი აზერბაიჯანსა და სომხეთს მოუწოდებს, დაუყოვნებლივ შეწყვიტოს საომარი მოქმედებები. 

 




ავტორი: ექსპრესნიუსი,


სოციალური ქსელები
სააკაშვილი - უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს
კობახიძე პრეზიდენტზე - არ აქვს მორალური უფლება, ხვდებოდეს ცესკოს თავმჯდომარეს და საუბრობდეს არჩევნებზე
ტაჯიკეთში ტერორისტებთან კავშირში ეჭვმიტანილი ცხრა ადამიანი დააკავეს
რუმინეთში, უკრაინის საზღვართან დრონი ჩამოვარდა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics