2022-07-31 11:39:26, 435 ნახვა
სამართალი
პროკურორი მირიან კუკავას მკვლელობის საქმეზე - კონფლიქტი მხრის გაკვრის გამო დაიწყო, რამაც წააქცია იქ არსებული ურნა
![]() 20 წლის მირიან კუკავას მკვლელობის საქმეზე მცხეთის რაიონულ სასამართლოში პროცესი იწყება. დღეს სასამართლო 8 დაკავებული პირისთვის აღკვეთის ღონისძიების შეფარდებაზე იმსჯელებს. როგორც საქმის პროკურორმა, დავით ყაზარაშვილმა განაცხადა, ბრალდების მხარე რვავე დაკავებულისთვის პატიმრობის შეფარდებას მოითხოვს. " ამ კატგორიის სისხლის სამართლის საქმეებზე საქართველოს პროკურატურას უმკაცრესი პოლიტიკა აქვს.მნიშვნელოვანია, რომ ყველა დამნაშავე პირი კანონის მთელი სიმკაცრით დაისაჯოს. ჩვენ ამისთვის ყველაფერს გავაკეთებთ. რაც შეეხება ბრალდებულებს, მოგეხსენებათ ერთ-ერთი არის მკვლელობაში ბრალდებული, ასევე შეუტყობინებლობისთვის, ცრუ ინფორმაციის მოწოდებისთვის და ხულიგნობის ფაქტზე ბრალდებულები არიან წარმოდგენილი. რვავე ბრალდებულის მიმართ პროკურატურა აღკვეთის ღონისძიების სახით ვითხოვთ პატიმრობის გამოყენებას. სხვა ღონისძიების გამოყენება ამ შემთხვევაში არ იქნებოდა სწორი ჩვენი მხრიდან. ნებისმიერი ასეთი ქმედება უმკაცრეს რეაგირებას მოითხოვს", - განაცხადა პროკურორმა. გამოძიების ინფორმაციით, დაბადებისდღის წვეულებაზე კონფლიქტი უმნიშვნელო ნიადაგზე დაიწყო. "კონფლიქტი დაიწყო უმნიშვნელო ნიადაგზე, ერთმანეთისთვის მხრის გაკვრის გამო, რამაც წააქცია იქ არსებული ურნა და ამის შემდეგ დაიწყო დაპირისპირება მხარეებს შორის. პირველი კონფლიქტის მონაწილეები, ყველა ის პირი ვინც გამოვლინდა და გამოიკვეთა, რომ მიიღეს მონაწილეობა ხულიგნობაში, ეს არის ხულიგნობა, იმიტომ რომ იქ უამრავი ადამიანი იყო და ამის მიუხედავად, დაიწყეს ჩხუბი და ლანძღვა-გინება, ყველა ეს ადამიანი მიცემულია პასუხისგებაში. რაც შეეხება უშუალოდ მკვლელობაში ბრალდებულს, ისიც მიცემულია პასუხისგებაში", - განაცხადა ყაზარაშვილმა. შეგახსენებთ, რომ ცხვარიჭამიაში მომხდარი განზრახ მკვლელობის და ხულიგნობის ფაქტზე ერთ პირს, ხოლო გამოძიებისთვის ცრუ ინფორმაციის მიწოდების, დანაშაულის შეუტყობინებლობის და ხულიგნობის ფაქტებზე შვიდ პირს ბრალდება წარუდგინა.ცხვარიჭამიაში სისხლიანი დაპირისპირება წვეულებაზე მოხდა, სადაც 50-მდე ადამიანი იმყოფებოდა. დაპირისპირებისას 20 წლის მირიან კუკავას გულ-მკერდის არეში ჭრილობები მიაყენეს, რის შედეგადაც ის ადგილზე გარდაიცვალა. შინაგან საქმეთა სამინისტრომ გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.
ლაგოდეხის ნაკრძალში დაღუპული მოზარდის საქმეზე სასამართლომ დამნაშავედ 1 მასწავლებელი ცნო
პუტინი - უკრაინაში შექმნილი ვითარება აჩვენებს, რომ აშშ ამ კონფლიქტის გახანგრძლივებას ცდილობს
საქართველოში ლატვიის ელჩად ედიტ მედნე დაინიშნა
რუსეთის ეფესბე კურსკის ოლქში ელექტროგადამცემი ანძების აფეთქებას „უკრაინული მხარის დივერსიას“ უწოდებს
|
ომი უკრაინაში![]() პუტინი - უკრაინაში შექმნილი ვითარება აჩვენებს, რომ აშშ ამ კონფლიქტის გახანგრძლივებას ცდილობს
![]() NYT - ყირიმის სამხედრო საწყობში აფეთქებები ელიტარულმა უკრაინულმა ქვედანაყოფმა მოაწყო
![]() შოიგუ - აშშ-ს მიერ უკრაინისთვის გადაცემული საარტილერიო სისტემა HIMARS რუსეთის ომზე მნიშვნელოვან გავლენას არ ახდენს
ვიდეო/LIVE „შინ ევროპისკენ“ - რუსთაველის გამზირზე აქცია მიმდინარეობს
![]() ევროკომისია საქართველოსთვის კანდიდატის სტატუსის მინიჭების საკითხს 2022 წლის ნაცვლად, 2023 წელს განიხილავს
მთავარი თემა
|