2022-07-29 10:25:37, 806 ნახვა

---

მდინარაძე: მთავარ სტრატეგიულ პარტნიორ ქვეყანაში ძალიან კარგად იციან, რომ მოცემულობა არ მოასწავებს იმაზე, რომ ქვეყანამ კურსის გადახედვა მოახდინოს

ჩვენ მთავარ სტრატეგიულ პარტნიორ ქვეყანაში ძალიან კარგად იციან, რა თქმა უნდა არიან სხვადასხვა ძალები, რომლებიც ჩრდილოეთისკენ იხედებიან, მაგრამ არაფერი რეალური და სერიოზული მოცემულობა არ მოასწავებს იმაზე, რომ ამ ქვეყანამ კურსის გადახედვა მოახდინოს“- ამის შესახებ „ქართული ოცნების“ აღმასრულებელმა მდივანმა მამუკა მდინარაძემ გადაცემაში „იმედი LIVE” განაცხადა. 

მისივე თქმით რაც არ უნდა პრორუსულები გვეძახონ და პიარული ნარატივები ალაგონ, ამ ქვეყანაში უკვე მყარად არის დალაგებული, განწყობებიდან დაწყებული, ინსტიტუტების მიმართ დავალება კონსტიტუციურით გაგრძელებული, რომ ქვეყანა ივლის გარანტირებულად დასავლეთისკენ და ჩვენი გზა, ჩვენი ოჯახი არის ევროპაში.

მან ასევე აღნიშნა, რომ სტრატეგიულ პარტნიორთან ურთიერთობების დაზიანების რისკები თითქმის არ არსებობს. 

„მე ვფიქრობ, რომ ასეთი რისკები თითქმის არ არსებობს იმიტომ, რომ სიმართლემ შეუძლებელია ეჭვის და რისკის ქვეშ დააყენოს ორი მეგობარი ქვეყნის ურთიერთობა. ერთი იმიტომ, რომ მართლა ამდენი წელია ეს ადამიანები, ეს ქვეყანა გვერდით გვიდგას, მთავარი სტრატეგიული პარტნიორია, ზრუნავს ჩვენს უსაფრთხოებაზე და გაძლიერებაზე ყველა მიმართულებით და ამაზე მადლობის მეტი არაფერი გვეთქმის“- განაცხადა მამუკა მდინარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი