რუსეთის სარდლობა დილემის წინაშე დგას: ან უზრუნველყოს შეტევა აღმოსავლეთში, ან გააძლიეროს თავდაცვა დასავლეთის მიმართულებით,- ამის შესახებინფორმაციას ბრიტანეთის დაზვერვა ავრცელებს.

დაზვერვის ცნობით, უშედეგო ბრძოლები გრძელდება როგორც დონბასში, ასევე ხერსონის მიმართულებით. 

„2022 წლის 18 ივლისს, ბელგოროდის რეგიონში დაზვერვამ უკრაინის საზღვრიდან 10 კილომეტრში, რუსული ბაზა აღმოაჩინა. სამხედრო ტექნიკის სარემონტოდ განკუთვნილ შენობაში სულ მცირე 300 დაზიანებული მანქანაა, მათ შორის ძირითადი საბრძოლო ტანკები, ჯავშანტექნიკა და ზოგადი დანიშნულების სატვირთო მანქანები. გარდა კარგად დოკუმენტირებული საკადრო პრობლემებისა, რუსეთს, სავარაუდოდ, კვლავ ექნება სირთულეები ათასობით სამხედრო მანქანის ევაკუაციასა და შეკეთებაში, რომლებიც დაზიანდა უკრაინაში ბრძოლების დროს“, - აღნიშნულია განცხადებაში.

შეგახსენებთ, რომ მანამდე დაზვერვამ გაავრცელა ინფორმაცია, რომ ხერსონის რეგიონში სასტიკი ბრძოლები მიმდინარეობდა. უკრაინის ჯარები აგრძელებდნენ შეტევას რუსეთის ძალების წინააღმდეგ მდინარე დნეპრის დასავლეთით.

ავტორი: ექსპრესნიუსი,

სოციალური ქსელები

აშშ-ის არმიის მინისტრმა თანამდებობა ჰეგსეთთან კონფლიქტის გამო დატოვა - CNN

დღეიდან, საგზაო მოძრაობის პირობებში სატრანსპორტო საშუალების ექსპლუატაციისას წარმოქმნილი ხმაურის დონის შემოწმება, პორტატული მოწყობილობით განხორციელდება

ოზურგეთში, სოფელ ნასაკირალში ქალის მკვლელობაში ბრალდებული დააკავეს

საქართველოში მყოფ საერთაშორისო სტუდენტებს მოეთხოვებათ ქართული ენის ცოდნის დამტკიცება