მოსკოვმა უკრაინის შეიარაღებული ძალების 92 წევრს კაცობრიობის წინააღმდეგ ჩადენილ დანაშაულში ბრალი წაუყენა. როგორც  რუსეთის საგამოძიებო კომიტეტის ხელმძღვანელმა, ალექსანდრე ბასტრიკინმა განაცხადა, იგეგმება საერთაშორისო ტრიბუნალის შექმნა,  ბოლივიის, ირანისა და სირიის მონაწილეობით.

 მისივე თქმით,  „220-ზე მეტმა ადამიანმა, მათ შორის უკრაინის შეიარაღებული ძალების უმაღლესი სარდლობის წარმომადგენლებმა, ასევე სამხედრო ნაწილების მეთაურებმა,  დაბომბეს მშვიდობიანი მოსახლეობა“.

გარდა ამისა, ასობით უკრაინელ სამხედრო და პოლიტიკურ პირებთან ერთად, გამოძიება მიმდინარეობს უკრაინის ჯანდაცვის სამინისტროს თანამშრომლებზე, რომლებიც მან  მასობრივი განადგურების იარაღის შემუშავებაში დაადანაშაულა.

ასევე, სისხლის სამართლის საქმეებია აღძრული "დაქირავებულ" მებრძოლებზე დიდი ბრიტანეთიდან, აშშ-დან, კანადიდან, ნიდერლანდებიდან და საქართველოდან.

"უკრაინელები მონაწილეობდნენ კაცობრიობის მშვიდობისა და უსაფრთხოების წინააღმდეგ მიმართულ დანაშაულებში, რომლებსაც არ აქვთ ხანდაზმულობის ვადა. ბრალი წაუყენეს 92 მეთაურს და მათ ქვეშევრდომებს, ხოლო 96 ადამიანი, მათ შორის 51 შეიარაღებული ძალების მეთაურზე, გამოცხადდა ძებნა,"-  განაცხადა რუსეთის წარმომადგენელმა.

ბასტრიკინს ჰკითხეს შეიძლება თუ არა გამოძიება გაეროს ეგიდით ჩატარდეს, თუმცა მისი თქმით, "მიზანშეწონილია"  უკრაინის მიმართ დამოუკიდებელი პოზიციის მქონე ქვეყნების ჩართვა, "კერძოდ, სირია, ირანი და ბოლივია."

ბასტრიკინის თქმით, უკრაინის სამხედრო, პოლიტიკური ხელმძღვანელობის, რადიკალური ნაციონალისტური ასოციაციებისა და შეიარაღებული ფორმირებების წევრების მიმართ 1300 სისხლის სამართლის გამოძიებაა დაწყებული.

ავტორი: ექსპრესნიუსი,

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა