2022-07-08 21:45:54, 1315 ნახვა

---

ფხაკაძე - იაფი საწვავის მოსაძებნად ვაწარმოებთ მოლაპარაკებებს ნებისმიერ ქვეყანასთან, არა მარტო რუსეთთან

ჩვენ დღემდე ვცდილობთ ვიპოვოთ ისეთი საწვავის წყარო, რომელიც უფრო იაფი იქნება, ვიდრე ის ევროპული საწვავი, რომელიც დღემდე შემოგვაქვს. - განაცხადა საქართველოს ბიზნეს ასოციაციისა და ვისოლ ჯგუფის პრეზიდენტმა სოსო ფხაკაძემ.

მისივე თქმით, მოლაპარაკებები აქვთ რუსეთთანაც.

"ჩვენ დღემდე ვცდილობთ ვიპოვოთ ისეთი საწვავის წყარო, რომელიც უფრო იაფი იქნება, ვიდრე ის ევროპული საწვავი, რომელიც დღემდე შემოგვაქვს. ვმუშაობთ დაახლოებით 7-8 ქვეყანასთან და სადაც ვნახავთ ყველაზე იაფ საწვავს, იქიდან შემოვიტანთ. ეს ეს არის ბიზნესის აქსიომატური ჭეშმარიტება. [მოლაპარაკებები] მიმდინარეობს არა მარტო რუსეთთან, ჩვენ ვართ ბიზნესმენები და ნებისმიერ ქვეყანასთან ვაწარმოებთ მოლაპარაკებას. სადაც იქნება ყველაზე იაფი საწვავი, თუ ნებისმიერი სერვისი, ან პროდუქტი, იქიდან შემოვიტანთ". - ნათქვამია განცხადებაში.

შეგახსენებთ, რომ ევროპის ქვეყნები რუსულ ენერგოდამოკიდებულებაზე უარს ამბობენ, მას შემდეგ რაც რუსეთი უკრაინაში შეიჭრა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი