2022-07-02 15:12:42, 1627 ნახვა

---

პოდოლიაკი - მსოფლიო არ დაღლილა უკრაინის მხარდაჭერით, ის პუტინის პირადი „კომპლექსებით“ დაიღალა

მსოფლიო არ დაღლილა უკრაინის მხარდაჭერით რუსეთის აგრესიის წინააღმდეგ. ამასთან, მსოფლიო დაიღალა კრემლის ხელმძღვანელის, ვლადიმირ პუტინის მუქარითა და შანტაჟით,- ამის შესახებ უკრაინის პრეზიდენტის ადმინისტრაციის უფროსის მრჩევლმა მიხაილო პოდოლიაკმა განაცხადა.

პოდოლიაკის თქმით, საზოგადოებამ უნდა დაივიწყოს ფრაზა „უკრაინა დაიღალა“, რადგან მსოფლიო აგრძელებს ამ სახელმწიფოს მხარდაჭერას.

„მსოფლიო არ დაღლილა უკრაინის მხარდაჭერით. მსოფლიო დაიღალა რუსული გაზის შანტაჟით, ხელოვნური კრიზისებით, ინფლაციის, პოლიტიკური მკვლელობებით, ქიმიური იარაღით, ტერორით და მუდმივი უხეში ტყუილით. დაიღალა პუტინის პირადი „კომპლექსებით“, - წერს პოდოლიაკი.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი