2022-06-24 11:32:12, 1021 ნახვა

---

თამარ ტალიაშვილი - ვიმსახურებდით კანდიდატის სტატუსს და მაინც მახარებს ევროკავშირის ლიდერების მოლოცვა

ამ პროცესში ვიმსახურებდით კანდიდატის სტატუსს და მაინც ძალიან მახარებს ევროკავშირის ლიდერების მოლოცვა ახალი ისტორიული წინსვლის შესახებ, - ამის შესახებ "ქართული ოცნების" დეპუტატი, თამარ ტალიაშვილი სოციალურ ქსელში წერს. 

მისი თქმით, ეს არ არის მხოლოდ სახელისუფლო გუნდის მიღწევები, არამედ ეს არის ხალხის არჩევანი და ერთობლივი მიღწევა. 

"ხომ მაქვს განცდა და დარწმუნებულიც ვარ, რომ ყველა პარამეტრით, კრიტერიუმით - პოლიტიკურად, მორალურად და სამართლებრივად ამ პროცესში ვიმსახურებდით კანდიდატის სტატუსს და მაინც ძალიან მახარებს ევროკავშირის ლიდერების მოლოცვა ახალი ისტორიული წინსვლის შესახებ.
ევროკავშირთან ასოცირება, თავისუფალი ვაჭრობა, უვიზო მიმოსვლა და ახლა ევროკავშირის წევრობის პერსპექტივა - 

ამაყი ვარ, რომ ამ ნაბიჯების თანამონაწილე ვარ და ჩემი წვლილიც არის ამ წინსვლაში. მაგრამ ეს არ არის მხოლოდ სახელისუფლო გუნდის მიღწევები ამ 10 წელიწადში, ეს არის ხალხის არჩევანი და ერთობლივი მიღწევა. 

კიდევ მეტი შრომა, რეფორმები და რაც მთავარია, რაც ყველას ეხება, დამშვიდდით და "დეპოლარიზირდითო". გერმანიასა და დანიაში ჩემი სწავლისა და მუშაობის პერიოდში ვისწავლე ისიც, რაც ჩემს პროფესიას პირდაპირ არ ეხებოდა. ეს ევროპული ცხოვრებისა და აზროვნების კულტურაა. სიმშვიდე და გრძელვადიანი ხედვით ცხოვრება, ამ კულტურის ნაწილია.
მოკლედ, ჰა, ბურთი და ჰა, მოედანი #ევროპისკენ",- წერს თამარ ტალიაშვილი. 

ცნობისთვის, ევროპის საბჭომ, რომელშიც 27 წევრი ქვეყნის მეთაურები შედიან, უკრაინასა და მოლდოვას კანდიდატობა მიანიჭა, საქართველოს კი - პერსპექტივა. 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი