აშშ-ის სახელმწიფო დეპარტამენტის სპიკერმა ნედ პრაისმა განაცხადა, რომ  უკრაინაში აშშ-ის სამი მოქალაქის გაუჩინარების საკითხზე შესაბამისი უწყებები მუშაობენ.

პრაისის თქმით, გაუჩინარებული პირები უკრაინაში საბრძოლველად წავიდნენ. სამელმწიფო დეპარტამენტი დაკარგულების ოჯახებთან მუდმივ კონტაქტზე იმყოფება.

 ოჯახის ცნობით, ორი ​​მამაკაცი, რომლებიც ქვეყანაში რუსეთის ძალებთან საბრძოლველად გაემგზავრნენ, შესაძლოა დატყვევებულები იყვნენ.

" ვაშინგტონს ჯერ არ დაუყენებია მოსკოვთან უკრაინაში დაკარგულების საკითხი. 39 წლის ალექსანდრე დრუკე,  და 27 წლის ენდი ჰუინი",- განაცხადა პრაისმა.

გაზეთი Telegraph წყაროზე დაყრდნობით წერს, რომ ორი მამაკაცი ტყვედ  მას შემდეგ ჩავარდა, რაც 9 ივნისს , უკრაინის სიდიდით მეორე ქალაქის , ხარკოვის ჩრდილო-აღმოსავლეთით გამართული ბრძოლის დროს რუსულ ჯგუფს შეეჯახა. ოჯახისა და აშშ-ს ოფიციალური პირები ამბობენ, რომ ეს ცნობები, ისევე როგორც ტელეგრამზე გავრცელებული ფოტო, რომელიც ასახავს ორ მამაკაცს, რომლებიც სატვირთო მანქანის უკანა მხარეს ტყვეობაში არიან, დაუდასტურებლად რჩება.

პრაისმა დასძინა, რომ აშშ დაუკავშირდა უკრაინელ ოფიციალურ პირებს და წითელი ჯვრის საერთაშორისო კომიტეტს ამ წყვილთან დაკავშირებით. მანამდე ხუთშაბათს, თეთრმა სახლმა განაცხადა, რომ "ძალიან ბევრს მუშაობდა მეტის გასაგებად" ორი დაკარგული მამაკაცის შესახებ.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო