რუსმა ოკუპანტებმა მარიუპოლის თავისუფლების მოედანს ლენინის მოედანი დაარქვეს,- განაცხადა მერის მრჩეველმა პეტრო ანდრიუშჩენკომ

ანდრიუშჩენკომ მოედანზე დანგრეული დამწვარი სახლების ფონზე ოკუპანტების მიერ აღმართული რუსული დროშის ფოტო გამოაქვეყნა.

"დამპყრობლებმა მარიუპოლის თავისუფლების მოედანს დაარქვეს ლენინის მოედანი და აღმართეს სამფეროვანი რუსული დროშა,"- განმარტა მარიუპოლის მერის მრჩეველმა.

შეგახსენებთ, რომ რუსებმა მარიუპოლში ისეთი პირობები შექმნეს, რომ ადგილობრივ მოსახლეობას უკრაინის მიერ კონტროლირებად ტერიტორიაზე გამგზავრება არ შეეძლო. მარიუპოლის მაცხოვრებლები იძულებულნი არიან გაიარონ ფილტრაცია, რომლის დროსაც ადამიანებს არ კვებავენ და დასცინიან.როგორც მარიუპოლის მერმა ვადიმ ბოიჩენკომ ადგილობრივ მედიასთან საუბრისას განაცხადა,  ფილტრაციის ცენტრები ისეა მოწყობილი, რომ მას ადამიანი ვერ ტოვებს. ბოიჩენკოს თქმით, დამპყრობლებმა გახსნეს ოთხი ფილტრაციის ბანაკი. ყველა მათგანი მარიუპოლში ან მის გარშემოა.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო