2022-06-04 11:49:04, 1217 ნახვა
პოლიტიკა
გაიდაი - უკრაინის შეიარაღებულმა ძალებმა სევეროდონეცკში დაკარგული ტერიტორიის, დაახლოებით, 20% დაიბრუნეს
უკრაინის შეიარაღებულმა ძალებმა სევეროდონეცკში დაკარგული ტერიტორიის, დაახლოებით, 20% დაიბრუნეს. - განაცხადა ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ.
მისივე თქმით, ეს ძალიან მნიშვნელოვანი ნაბიჯია.
"მიუხედავად იმისა, რომ რთული ვითარება იყო, რუსეთს ტერიტორიის, დაახლოებით, 70% ეკავა, ჩვენ უკვე დავიბრუნეთ მათი 20%". - განაცხადა გაიდაიმ.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
