ევროკავშირის საბჭომ რუსეთის ფედერაციის წინააღმდეგ სანქციების მეექვსე პაკეტის დამტკიცების პროცედურა დაასრულა, სანქციების პაკეტი ოფიციალურად მიღებულად ითვლება.აღნიშნულის შესახებ ინფორმაციას ევროკავშირის საბჭოს პრესსამსახური ავცრელებს.

ევროკავშირის სანქციები გულისხმობს მოკავშირე ქვეყნების უარს რუსული ნავთობისა და  ნავთობპროდუქტების იმპორტზე 6 და 8 თვის თვის განმავლობაში.

გარდა ამისა, სანქციები გულისხმობს რუსული ნავთობის საზღვაო ტრანსპორტირების ეტაპობრივ გაუქმებას, მილსადენის ნავთობის დროებითი გამონაკლისის გარდა.

სანქციები ასევე გულისხმობს Sberbank-ის, Rosselkhozbank-ისა და მოსკოვის საკრედიტო ბანკის SWIFT-ისგან გათიშვას.

ამასთან, რუსეთის ფედერაციის წინააღმდეგ ევროკავშირის სანქციების მეექვსე პაკეტი რუსეთის სამი სახელმწიფო ტელეარხის მაუწყებლობის აკრძალვას მოიცავს: „Россия РТР/РТР Планета“, „Россия 24/Россия 24“ და „Международный ТВ Центр“

სანქციების მეექვსე პაკეტში ევროპელი ლიდერები შეთანხმდნენ იმ პირებისა და ორგანიზაციების სიაზე, რომლებიც გავლენას ახდენენ ორმაგი დანიშნულების საქონლისა და ტექნოლოგიების საექსპორტო შეზღუდვებით.

„უფრო მეტიც, ევროკავშირი გააფართოვებს საქონლისა და ტექნოლოგიების ჩამონათვალს, რომლებსაც შეუძლიათ წვლილი შეიტანონ რუსეთის თავდაცვისა და უსაფრთხოების სექტორის ტექნოლოგიურ გაუმჯობესებაში“, - აღნიშნულია საბჭოს განცხადებაში.

გარდა ამისა, ახალი სანქციების პაკეტი შეიცავს პუნქტს „საკონსულტაციო მომსახურება“. იგი მოიცავს რუსეთში ბუღალტრული აღრიცხვის, PR და საკონსულტაციო სერვისების აკრძალვას.

„ჩვენ ვკრძალავთ რუსული ნავთობის იმპორტს ევროკავშირში და ამით ვწყვეტთ რუსეთს შემოსავლის უზარმაზარ წყაროს. ჩვენ ვთიშავთ უფრო მნიშვნელოვან რუსულ ბანკებს SWIFT საერთაშორისო გადახდის სისტემიდან. ასევე ვუწესებთ სანქციებს იმ პირებს, ვინც პასუხისმგებელნი არიან ამ სისასტიკეში. რაც მოხდა ბუჩასა და მარიუპოლში, ვკრაძალავთ დეზინფორმაციას, რაც აქტიურად მონაწილეობენ პრეზიდენტ პუტინის სამხედრო პროპაგანდაში“, - განაცხადა საგარეო საქმეთა და უსაფრთხოების პოლიტიკის უმაღლესმა წარმომადგენელმა ჯოსეფ ბორელმა.

შეგახსენებთ, რომ 4 მაისს ევროკომისიის პრეზიდენტმა ურსულა ფონ დერ ლაიენმა წარმოადგინა ევროკავშირის სანქციების მეექვსე პაკეტი რუსეთის ფედერაციის წინააღმდეგ,

29 მაისს Bloomberg-მა წყაროებზე დაყრდნობით იტყობინება, რომ ევროკომისია სთავაზობს ევროკავშირის ქვეყნებს უარი თქვან რუსული ნავთობის საზღვაო იმპორტზე, ამავდროულად გადადოს შეზღუდვები მის იმპორტზე მთავარი დრუჟბას მილსადენიდან.

ავტორი: ექსპრესნიუსი,

სოციალური ქსელები

ტრამპი: აშშ-სა და ჩინეთს თავისი შეხედულებები აქვთ ირანის ომის დასრულების შესახებ

რუსეთის მართლმადიდებლურ ეკლესიაში მკვეთრად შეამცირდა იმ რუსების რიცხვი, რომლებიც საკუთარ თავს მართლმადიდებლებს უწოდებენ

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა