პარტია „ლელოს“ წევრმა ირაკლი კუპრაძემ ბათუმის საკრებულოში მანდატი დატოვა. აღნიშნულის შესახებ დღევანდელ სხდომაზე გახდა ცნობილი.

კუპრაძის თქმით, ის ამ მოწვევის საკრებულოში საკუთარ თავს ვერ ხედავს, თუმცა საქმიანობის გაგრძელებას სხვა ფლანგიდან გეგმავს.

„2021 წლის თვითმმართველობის არჩევნებზე ჩვენ მივიღეთ ძალადობა, ზეწოლა, მუქარა და უმძიმესი პროცესი, რომელმაც დააზიანა ჩვენს ქვეყანაში დემოკრატია, საარჩევნო პროცესი და საერთოდ მოქალაქეების თავისუფლება, თანამონაწილეობის შესაძლებლობა თვითმმართველობის მართვის პროცესში. შესაბამისად, მე საკუთარ თავს პერსონალურად ვერ ვხედავ ამ საკრებულოს მოწვევაში. მიმაჩნია, რომ ბევრად უფრო ეფექტური ვიქნები სწორედ ბათუმელებისთვის და არამხოლოდ ბათუმელებისთვის სხვა ფლანგზე ბრძოლით, შესაბამისად, ვაგრძელებ ბრძოლას და შრომას. ხელმისაწვდომი ვარ თითოეული ჩვენი გულშემატკივარისთვის თუ არაგულშემატიკვარისთვის, იმ მხარდაჭერის ფარგლებში რისი განხორციელებაც აქანდე შეგვეძლო და ასევე დღევანდელი დღიდან შეგვეძლება“,- განაცხადა კუპრაძემ.

გარდა ამისა, 7 თვიანი პაუზის შემდეგ, ბათუმის საკრებულოს თავმჯდომარე, ქართული ოცნების წევრი, რამაზ ჯინჭარაძე გახდა. კენჭისყრაში მონაწილეობა მხოლოდ „ქართულმა ოცნებამ" და ერთმა დამოუკიდებელმა დეპუტატმა მიიღო.

ავტორი: ექსპრესნიუსი,

სოციალური ქსელები

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”

კახა კალაძე მოსულ ინტენსიურ ნალექზე: პრობლემურ ლოკაციებზე იმყოფებოდნენ შესაბამისი სამსახურები და ყველა პრობლემა აღმოიფხვრება