პუტინი - მინდა აღვნიშნო, რომ რუსეთის ეკონომიკა უძლებს სანქციების გავლენას, საკმაოდ ღირსეულად

2022-05-23 18:05:00, 1224 ნახვა

მსოფლიო

რუსეთის ეკონომიკა ღირსეულად უძლებს სანქციებს. - ამის შესახებ ინფორმაციას რუსეთის პრეზიდენტი ვლადიმერ პუტინი ავრცელებს.

მისივე თქმით, ყველა ძირითადი მაკროეკონომიკური მაჩვენებელი კიდევ ერთხელ ადასტურებს რამდენად უძლებს რუსეთი სანქციებს.

"მიუხედავად ყველა სირთულისა, მინდა აღვნიშნო, რომ რუსეთის ეკონომიკა უძლებს სანქციების გავლენას, საკმაოდ ღირსეულად უძლებს. ამას მოწმობს ყველა ძირითადი მაკროეკონომიკური მაჩვენებელი". - განაცხადა პუტინმა.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,