მსოფლიო არ უნდა დაელოდოს საბედისწერო გასროლას, რადგან მნიშვნელოვანია წესრიგისა და თავისუფლების დაუყოვნებლივ დაცვა. ამის შესახებ უკრაინის პრეზიდენტმა ვოლოდიმერ ზელენსკის დავოსში მსოფლიო ეკონომიკურ ფორუმზე სიტყვით გამოსვლისას განაცხადა.

ზელენსკის თქმით, რუსეთის წინააღმდეგ პრევენციული სანქციები უფრო ადრე რომ დაწესებულიყო, ახლა უკრაინას მშვიდობა გარანტირებული ექნებოდა.

„ნუ ელოდებით სასიკვდილო გასროლებს. ნუ ელით რუსეთის მიერ სპეციალური იარაღის გამოყენებას: ქიმიური, ბიოლოგიური და ღმერთმა არ ქნას, ბირთვული. ნუ შეუქმნით აგრესორს შთაბეჭდილებას, რომ მსოფლიო არ გაუწევს საკმარის წინააღმდეგობას. დაუყოვნებლივ დაიცავით თავისუფლება და წესრიგი ქვეყანაში. აი, რა უნდა იყოს მაქსიმალური სანქციები“, - განაცხადა ზელენსკიმ.

პრეზიდენტის თქმით, უკრაინაში ომის თავიდან აცილება შეიძლებოდა, თუ მსოფლიო შარშან მოუსმენდა ქვეყანას, რადგან პრევენციულ სანქციებს ომის თავიდან აცილება შეეძლო.

„მოგვიწევს თუ არა ამის გაკეთება, თუ გასულ წელს მთელი რიგი პრევენციული სანქციები იქნებოდა გამოყენებული რუსეთის ფედერაციის წინააღმდეგ, რომელსაც შეეძლო ნებისმიერი აგრესორის „ჩამოგდება“? დარწმუნებული ვარ, რომ პასუხი არის არა. პასუხი არ არის", - დასძინა ზელენსკიმ.

შეგახსენებთ, რომ მანამდე ზელენსკიმ და იტალიის პრემიერ-მინისტრმა მარიო დრაგიმ უკვე განიხილეს რუსეთის წინააღმდეგ ევროკავშირის სანქციების მეექვსე პაკეტის დაჩქარებისა და უკრაინის პორტების განბლოკვის აუცილებლობა

ავტორი: ექსპრესნიუსი,

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა