რუსი დიქტატორი ვლადიმერ პუტინი უფრო საშიშია ვიდრე ადოლფ ჰიტლერი და იოსებ სტალინი, რადგან მას აქვს უფრო სასიკვდილო იარაღი, ვიდრე მეოცე საუკუნის დიქტატორებს, - ამის შესახებ  The Daily Telegraph-ის ცნობით, პოლონეთის პრემიერ-მინისტრმა მატეუშ მორავიეცკიმ განაცხადა.

პოლონეთის პრემიერ-მინისტრის თქმით, რუსეთმა საინფორმაციო სივრცე მილიონობით ყალბი ამბებით დააზიანა. ამიტომ, მსოფლიოს სჭირდება „დეპუტინიზაცია“.

"რუსული სამყაროს" პუტინის იდეოლოგია მე-20 საუკუნის კომუნიზმისა და ნაციზმის ტოლფასია. ეს არის იდეოლოგია, რომლითაც რუსეთი ამართლებს გამოგონილ უფლებებსა და პრივილეგიებს თავისი ქვეყნისთვის. ის უნდა აღმოიფხვრას", - თქვა მან.

მორავიეცკიმ ასევე კომენტარი გააკეთა პუტინის განცხადებაზე 9 მაისის აღლუმზე, როდესაც მან განაცხადა, რომ რუსეთი დღეს "ნაციზმს" ებრძვის. პოლონეთის პრემიერ-მინისტრმა ხაზგასმით აღნიშნა, რომ რუსი დიქტატორი ავითარებს მითს იმის შესახებ, რომ რუსეთმა დაამარცხა ნაციზმი, მაგრამ არ ახსენებს ომის შემდგომ ათწლეულებს სსრკ-ს რეპრესიებსა და ექსცესებს აღმოსავლეთ ევროპის ქვეყნებში.

"პუტინი არ არის ჰიტლერი ან სტალინი. სამწუხაროდ, ის უფრო საშიშია. თუ ევროპა არ შეაჩერებს მას, პუტინი რუს ჯარებს კიდევ გაგზავნის ევროპაში. ჩვენზეა დამოკიდებული, სად შევაჩერებთ მას", - გააფრთხილა მორავიეცკიმ.

შეგახსენებთ, რომ 4 აპრილს  მატეუშ მორავიეცკიმ გააკრიტიკა საფრანგეთის პრეზიდენტი ემანუელ მაკრონი  რუსეთის პრეზიდენტ ვლადიმირ პუტინთან ხშირი საუბრის გამო.

თავის მხრივ,  მაკრონმა  პოლონეთის პრემიერის ასეთ განცხადებას უსაფუძვლო და „სკანდალური“ უწოდა და განმარტა, თუ რატომ ესაუბრებოდა პუტინს ასე ხშირად.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

შენი საუკეთესო ციფრული გამოცდილებისთვის - ნახე, რა სიახლეები დაემატა თიბისის მობაილბანკს

ბოჭორიშვილი: რუსეთი კვლავ დგამს ნაბიჯებს საქართველოს რეგიონების ანექსიისკენ

ესპანეთში 13 ქართველისგან შემდგარი კრიმინალური დაჯგუფება დააკავეს

გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა