2022-05-10 11:12:34, 1001 ნახვა
მსოფლიო
ჩრდილოეთ კორეის ლიდერი ვლადიმერ პუტინს „მტკიცე სოლიდარობას“ უცხადებს
ჩრდილოეთ კორეის ლიდერმა კიმ ჩენ ინმა რუსეთის პრეზიდენტ ვლადიმერ პუტინს 9 მაისის გამარჯვების დღესთან დაკავშირებით მილოცვა გაუგზავნა, რომელშიც ხაზი გაუსვა რუსეთთან მჭიდრო კავშირებს და საჯაროდ დაუჭირა მხარი მოსკოვის უკრაინაში შეჭრას.ამის შესახებ ჩრდილოეთ კორეის საინფორმაციო სააგენტო KCNA იუწყება.
9 მაისს გაგზავნილ წერილში კიმმა „მტკიცე სოლიდარობა გამოუცხადა რუსი ხალხის მიზანს, აღმოფხვრას პოლიტიკური და სამხედრო საფრთხე და შანტაჟი მტრული ძალების მხრიდან“.
„გამოთქვავ რწმენას, რომ ორ ქვეყანას შორის სტრატეგიული და ტრადიციული მეგობრული ურთიერთობები სტაბილურად განვითარდება“.- აღნიშნავს კიმ ჩენ ინი.
შეგახსენებთ, რომ თებერვალში მან უკრაინის ომში შეერთებული შტატებისა და დასავლეთის „ჰეგემონიურ პოლიტიკა“ დაადანაშაულა.
ავტორი: ექსპრესნიუსი,
epn.ge (@expressnews.ge)
