ჩრდილოატლანტიკური ალიანსი უახლოეს კვირებში უკრაინაში ომის შემდგომ ესკალაციას ელის.

ამის შესახებ ნატოს გენერალურმა მდივანმა იენს სტოლტენბერგმა გაზეთ Welt am Sonntag-თან ინტერვიუში განაცხადა, იუწყება Deutsche Welle.
ამავე დროს, სტოლტენბერგმა მხარი დაუჭირა უკრაინას იარაღის მიწოდების გაგრძელებას.

”გრძელვადიან პერსპექტივაში, უკრაინა ვერ დაიცავს თავს მხოლოდ საბჭოთა პერიოდის იარაღით, მაგრამ უნდა გადავიდეს თანამედროვე დასავლურ იარაღზე”, - თქვა მან.

ამასთან, სტოლტენბერგმა გააფრთხილა რუსეთის ფედერაცია უკრაინაში ბირთვული იარაღის გამოყენების შესახებ.

„ჩვენი გზავნილი ცალსახაა: ატომური იარაღის გამოყენება გამოიწვევს იმ ფაქტს, რომ ყველა მხარეს იქნება მხოლოდ ისინი, ვინც ომს მწარედ წააგეს“, - განაცხადა სტოლტენბერგმა.

მან ხაზგასმით აღნიშნა, რომ "ატომურ ომის ვერავინ ვერ მოიგებს და იგი არავინ უნდა აწარმოოს, მათ შორის რუსეთმა".

ნატოს გენერალურმა მდივანმა ასევე აღნიშნა, რომ ორგანიზაციას არ გააჩნია რაიმე მონაცემი, რომელიც მიუთითებს იმაზე, რომ რუსეთის ატომური არსენალი უკრაინაში რუსული შეჭრის დაწყების შემდეგ მზადყოფნის უმაღლეს დონეზე იყო მიყვანილი, მიუხედავად რუსეთის პრეზიდენტის ვლადიმერ პუტინის მუქარისა.

შეგახსენებთ, რომ რუსეთის ფედერაცია უკრაინაში 24 თებერვალს გამთენიისას შეიჭრა.

ავტორი: ექსპრესნიუსი,

სოციალური ქსელები

18 საერთაშორისო ორგანიზაცია კობახიძეს მოუწოდებს, დაუყოვნებლივ გაიწვიონ კანონპროექტი და დაიცვან ჟურნალისტების უსაფრთხოება

კობახიძე - კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ჩვენთვის მისაღები ვერ იქნება

შსს - ერთ-ერთი დაკავებული ამბობს, რომ მელიასგან, ელისაშვილისგან, გვარამიასგან, ვაშაძისგან, ჯაფარიძისგან 1 200 ლარი მიიღო

კალაძე - საჭიროა შევიარაღდეთ სიმართლით და გავაანალიზოთ მიმდინარე პროცესები, რადგან ეს ყველა ჩვენგანის ვალია ქვეყნის წინაშე