უკრაინა მოუწოდებს ნიდერლანდების მთავრობას, მოითხოვოს ამსტერდამის პორტიდან რუსული ნავთობის მქონე ნავთობტანკერის „Sunny Liger“ დაუყოვნებლივ გაყვანა,- ამის შესახებ უკრაინის საგარეო საქმეთა სამინისტროს წარმომადგენელმა ოლეგ ნიკოლენკომ Twitter-ზე განაცხადა.

ნიკოლენკომ აღნიშნა, რომ უკრაინა ასევე მოუწოდებს დოკერებს ამსტერდამში, მიბაძონ თავიანთი კოლეგების მაგალითს და Sunny Liger-ის მომსახურებაზე უარი თქვან, „გათიშეთ ჰოლანდიელი ხალხი უკრაინელი ბავშვებისა და ქალების სისხლით გაჟღენთილი რუსული ფულისგან,“- განაცხადა ნიკოლენკომ.

„ამსტერდამის პორტში შემოვიდა ნავთობის ტანკერი Sunny Liger რუსული ნავთობით. ჩვენ მოვუწოდებთ ჰოლანდიის მთავრობას, მოითხოვოს ამ გემის დაუყოვნებლივ გათავისუფლება. ნიდერლანდები, რომლის მხარდაჭერასაც უკრაინა დიდად აფასებს, არ უნდა გახდეს რუსული ნავთობის ბინძური სქემების ადგილი“, - დასძინა საგარეო საქმეთა სამინისტროს წარმომადგენელმა.

შეგახსენებთ, რომ უკრაინაში სამხედრო შეჭრის გამო რუსეთის წინააღმდეგ დაწესებული ევროკავშირის სანქციების მეხუთე პაკეტის შესაბამისად, ევროკავშირის ყველა სახელმწიფოს, რომელსაც აქვს საზღვაო ან მდინარის პორტები, აკრძალა გემების შესვლა, რომლებიც დაკავშირებულია ტერორისტულ სახელმწიფოსთან რუსეთთან.

ამასთან ერთად, ევროკავშირი აქტიურად მუშაობს რუსეთის წინააღმდეგ სანქციების მეექვსე პაკეტზე, რომელიც შეიძლება მოიცავდეს რუსული ნავთობის იმპორტის ნაწილობრივ აკრძალვას და შესაძლოა რუსულ ბანკებსაც შეეხოს, რომლებიც გამოირიცხებიან საერთაშორისო გადახდის სისტემიდან (SWIFT).

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს