პენინტენციური სამსახური გავრცელებულ ინფორმაციას იმასთან დაკავშირებით, რომ საქართველოს მესამე პრეზიდენტისთვის ამანათების შეგზავნა აკრძალულია, უარყოფს. 

უწყების ცნობით, მიხეილ სააკაშვილს, კუთვნილი ამანათი მხოლოდ ერთი დღით არ მიუღია და იგი ამანათის მიღებას შეძლებს შეგზავნაზე პასუხისმგებელი პირების მეშვეობით.

 „მსგავსი ბრალდებები პენიტენციური სამსახურის თანამშრომელთა დემორალიზებას, მათ დისკრედიტაციასა და საზოგადოებაში უწყების იმიჯის შელახვას ემსახურება.სპეციალური პენიტენციური სამსახური პასუხისმგებელია თითოეული ბრალდებულის/მსჯავრდებულის უსაფრთხოებაზე.ინფორმაციისთვის, პენიტენციურ სისტემაში ყოფნის პერიოდში, მ. სააკაშვილს მრავალჯერ აქვს მიღებული ამანათი. საზოგადოების ინფორმირების მიზნით განვმარტავთ, რომ მ.სააკაშვილს, დაწესებულების ტერიტორიაზე არსებულ მაღაზიაში, შეუძლია ყველა იმ საკვები პროდუქტის შეძენა, რომელიც დაწესებულების დებულებით არ იკრძალება, მის კუთვნილ ბარათზე დარიცხული თანხის საშუალებით, ასევე მისთვის, ყოველდღიურად გათვალისწინებულია პატიმრისთვის განსაზღვრული სამჯერადი კვება,"- ნათქვამია უწყების მიერ გავრცელებულ განცხადებაში.

შეგახსენებთ, „ნაციონალური მოძრაობის" დეპუტატმა, ეკა ხერხეულიძემ, განაცხადა, რომ მიხეილ სააკაშვილს საკვების მიღების ყველა გზა გადაუკეტეს .მისი თქმით, მიხეილ სააკაშვილს მხოლოდ 3 სახის საკვების მიღება შეეძლო, რომელიც ამანათის სახით ციხეში შეჰქონდათ, თუმცა ადმინისტრაციამ ეს აკრძალა.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს