საქართველოს გენერალური პროკურორი ირაკლი შოთაძე სომხეთში ოფიციალური ვიზიტის ფარგლებში, სომხეთის რესპუბლიკის გენერალურ პროკურორს არტურ დავთიანს შეხვდა. შეხვედრას ასევე, საქართველოს გენერალური პროკურორის მოადგილე გიორგი გაბიტაშვილი და საქართველოსა და სომხეთის პროკურატურების წარმომადგენლები ესწრებოდნენ. ამის შესახებ ინფორმაციას საქართველოს გენერალური პროკურატურა ავრცელებს.

უწყების ცნობით, საქართველოს გენერალურმა პროკურორმა ირაკლი შოთაძემ არტურ დავთიანს მადლობა გადაუხადა გულთბილი დახვედრისთვის და აღნიშნა, რომ სამართლებრივ სფეროში თანამშრომლობის გაღრმავება მნიშვნელოვანია ორი ქვეყნის უსაფრთხოებისა და განსაკუთრებით, ტრანსნაციონალური დანაშაულის წინააღმდეგ ეფექტიანი ბრძოლის მიმართულებით. ამასთან, ირაკლი შოთაძემ არტურ დავთიანი თბილისში, სექტემბერში დაგეგმილ პროკურორთა საერთაშორისო კონფერენციაზე მოიწვია.

როგორც სომხეთის გენერალურმა პროკურორმა შეხვედრაზე აღნიშნა, ორი ქვეყნის უწყებებს შორის არსებული მჭიდრო თანამშრომლობა საშუალებას იძლევა დროულად მოგვარდეს სამართლებრივი ურთიერთდახმარებისა და ექსტრადირებასთან დაკავშირებული საკითხები. ასევე, მისი თქმით, განსაკუთრებით მნიშვნელოვანია საქართველოსა და სომხეთის პროკურატურების საერთო ხედვა დანაშაულთან ბრძოლაში გამოცდილების გაზიარების მიმართულებით.

„არტურ დავთიანმა ირაკლი შოთაძეს და საქართველოს პროკურატურის დელეგაციის წევრებს მადლობა გადაუხადა მოწვევის მიღებისთვის და იმედი გამოთქვა, რომ საქართველოსა და სომხეთს შორის არსებული მრავალწლიანი მეგობრული ურთიერთობიდან გამომდინარე, გენერალური პროკურორების შეხვედრები განგრძობად და მუდმივ ხასიათს მიიღებს,“- ვკითხულობთ განცხადებაში.  

შეხვედრაზე მხარეებმა სომხეთსა და საქართველოში სისხლის სამართლის სფეროში ბოლო წლებში არსებულ მიღწევებსა და გამოწვევებზე, მათ შორის მოქალაქეთა უფლებების დაცვის საკითხებზე და საზღვრის უკანონო გადაკვეთის წინააღმდეგ ერთობლივი ეფექტიანი ბრძოლის მნიშვნელობაზე ისაუბრეს.

შეხვედრის ფარგლებში, არტურ დავთიანმა და ირაკლი შოთაძემ სომხეთსა და საქართველოს პროკურატურას შორის თანამშრომლობის შესახებ ურთიერთგაგების მემორანდუმს მოაწერეს ხელი, რომელიც სისხლის სამართლის სფეროში კონკრეტული ღონისძიებების პროგრამის შემუშავებას, გამოცდილების გაზიარებას და პროკურორთა პროფესიული უნარ-ჩვევების განვითარებას ითვალისწინებს.

ავტორი: NS (სტატია დაფინანსებულია),

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა