უკრაინაში 8 დეპუტატისგან შემდგარი დელეგაცია გაემგზავრება. უკრაინაში გაემგზავრებიან - ქართული ოცნების წევრები, დავით სერგეენკო და არჩილ თალაკვაძე, მოქალაქეების წარმომადგენელი, ლევან იოსელიანი, ასევე, ლელოს წევრი, ანა ნაცვლიშვილი, გირჩის წარმომადგენელი - ვახტანგ მეგრელიშვილი, რესპუბლიკური პარტიის ლიდერი, ხათუნა სამნიძე და პარტია საქართველოსთვის წევრი, გიორგი ხოჯევანიშვილი. 
ისინი უკრაინაში, სავარაუდოდ, ხვალ, 15 აპრილს გაემგზავრებიან. 
"სამწუხაროდ, დამრჩა განცდა, რომ ძალიან ბევრ ადამიანს საერთოდ დაავიწყდა რის გამო დადგა ეს საკითხი დღის წესრიგში. ჩვენ ვსაუბრობთ გენოციდზე, ომის დანაშაულებზე, რომელიც ჩადენილია რუსეთის მხრიდან უკრაინაში. როდესაც ომში მყოფი ჭირისუფალი ქვეყანა გთხოვს, რომ ჩახვიდე, მემგონი აქ არ უნდა იყოს 2 აზრი. არის ვითარებები, როდესაც პატივი უნდა ვცეთ გარდაცვლილებს და ჭირისუფლებს, ამიტომ მივდივარ მე "ლელოს" მხრიდან ამ დელეგაციაში,"- აცხადებს პარლამენტის ფრაქციის "ლელო - პარტნიორობა საქართველოსთვის" წევრი ანა ნაცვლიშვილი.

"სტრატეგია აღმაშენებლიდან" კი, დელეგაციას ხათუნა სამნიძე შეუერთდება:

"ვწუხვარ, რომ "ნაციონალური მოძრაობა" ამ დელეგაციას არ უერთდება, ჩემი აზრით, ეს სერიოზული შეცდომაა,"- აღნიშნავს "სტრატეგია აღმაშენებლის" თავმჯდომარე გიორგი ვაშაძე. 

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს