პარტნიორებთან ერთად, გავზრდით ეკონომიკურ ზეწოლას, ყოველ კვირას გავამკაცრებთ რუსეთის წინააღმდეგ სანქციებს, – ამის შესახებ ბრიტანეთის პრემიერმა, ბორის ჯონსონმა უკრაინის პრეზიდენტთან, ვოლოდიმირ ზელენსკისთან შეხვედრის შემდეგ, კიევში განაცხადა.

ამასთან, ბორის ჯონსონის თქმით, დიდი ბრიტანეთი უკრაინას ეკონომიკურ და სამხედრო დახმარებას გაუწევს.

„არ შემოვიფარგლებით ოლიგარქების წინააღმდეგ აქტივების გაყინვით ან სანქციებით. ასევე ვიმოქმედებთ რუსეთის უნარზე, გამოიყენოს თავისი ენერგორესურსები. დიდი ბრიტანეთი უკრაინას ეკონომიკურ და სამხედრო დახმარებას გაუწევს. უკრაინამ, ყოველგვარი მოლოდინის საწინააღმდეგოდ, უკან დახია რუსული ჯარები კიევიდან და 21-ე საუკუნის უდიდესი სამხედრო ღვაწლი შეასრულა. პრეზიდენტ ზელენსკის თავდაჯერებული ხელმძღვანელობისა და უკრაინელი ხალხის დაუძლეველი გმირობისა და გამბედაობის წყალობით, პუტინის ამაზრზენი გეგმები ახლა ჩაიშალა“, – განაცხადა ბორის ჯონსონმა.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა