საქართველოს პრეზიდენტმა, სალომე ზურაბიშვილმა 9 აპრილს დაღუპულ გმირთა ხსოვნას პატივი მიაგო და მემორიალი გვირგვინით შეამკო.

პრეზიდენტმა 9 აპრილის მაგალითი უკრაინის ომთან გააიგივა და აღნიშნა, რომ ყოველი ბრძოლა ყოველთვის ღრს, თუ ის არის ღირსეული და თუ ის თავისუფლებისკენაა მიმართული.

ამასთანავე, პრეზიდენტმა აღნიშნა, რომ ნებისმიერი ბზარი საქართველოსა და უკრაინას შორის ახარებს მხოლოდ და მხოლოდ ერთს - რუსეთს. 

„დღეს აქ მოტანილი ტიტები არის არა მხოლოდ 9 აპრილის დაღუპული გმირებისთვის, ეს ყვავილები ასევე ამკობს იმ გმირებს ქართველებს, თუ უკრაინელებს, რომლებიც დღეს იბრძვიან იგივე იდეებისთვის, იგივე თავისუფლებისთვის, დამოუკიდებლობისთვის. ჩვენი მაგალითია ის, რომ 9 აპრილს მოჰყვა 1991 წლის 9 აპრილი, ეს არის გამარჯვების მაგალითი, ეს არის იმედი, რომ ყოველი ბრძოლა ყოველთვის ღირს, თუ ის არის ღირსეული, თუ ის არის თავისუფლებისთვის და ეს არასდროს უნდა დაგვავიწყდეს და უნდა ვიდგეთ ჩვენი უკრაინელი ძმების გვერდით.

ნებისმიერი ბზარი ჩვენსა და უკრაინას შორის მხოლოდ და მხოლოდ ერთს ახეირებს და ეს არის რუსეთი, ჩვენ ეს უნდა ვიცოდეთ და არ დაგვავიწყდეს. ვიყოთ სოლიდარული, ვიყოთ ჩვენი წარსულის და ტრადიციების ღირსი, ამ ადამიანების ღირსი, ვინც აქ, 1989 წელს იდგა და არ დაჩოქილა“, - განაცხადა პრეზიდენტმა.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს