2022-04-06 10:33:25, 912 ნახვა
პოლიტიკა
ფინანსთა მინისტრი ლაშა ხუციშვილი შვეიცარიის ელჩს შეხვდა
ფინანსთა მინისტრი ლაშა ხუციშვილი შვეიცარიის კონფედერაციის საგანგებო და სრულუფლებიან ელჩს საქართველოში, ჰაიდი გრაუს შეხვდა.
მხარეებმა მიმოიხილეს ორ ქვეყანას შორის სავაჭრო-ეკონომიკური ურთიერთობების დინამიკა და მისი განვითარების საკითხები.
საუბარი შეეხო უკრაინაში რუსეთის აგრესიის შედეგად მიმდინარე საომარი მოქმედებების გავლენას მსოფლიოს, რეგიონისა და საქართველოს ეკონომიკურ განვითარებაზე.
ფინანსთა მინისტრმა დიპლომატს მადლობა გადაუხადა საქართველოს ტერიტორიული მთლიანობის მტკიცე მხარდაჭერისა და სხვადასხვა სფეროში მიმდინარე თანამშრომლობისთვის.
შეხვედრის დასასრულს, მხარეებმა გამოთქვეს მზაობა, მაქსიმალური წვლილი შეიტანონ ქართულ-შვეიცარიული თანამშრომლობის შემდგომ განმტკიცებაში.
ავტორი: NS (სტატია დაფინანსებულია),
epn.ge (@expressnews.ge)
