უკრაინის გენერალური პროკურატურის მონაცემებით, რუსეთის ფედერაციამ უკრაინაში შეჭრის შემდეგ ქვეყანაში 18 ჟურნალისტი დაიღუპა, დაშავდა 13 და 8 გაიტაცეს.

გარდა ამისა, პროკურატურის ინფორმაციით, დაფიქსირდა დაბომბვის სულ მცირე 7 ფაქტი, რამაც გამოიწვია სატელევიზიო ანძების დაზიანება ან განადგურება.

ამასთანავე, გენერალურ პროკურატურაში აცხადებენ, რომ რუსეთის ფედერაციამ 74 მედიის წარმომადგენლის მიმართ ჩაიდინა დანაშაულებრივი ქმედება.

„უკრაინულ ჟურნალისტიკას უკვე აქვს თავისი  ისტორია. მათი გმირობისა და ტრეგიდების, სიტყვის თავისუფლება ჩვენს ქვეყანაში უპრეცედენტოა. მედია ყოველთვის წარმოაჩენს იდეოლოგიურ, ღირებულ, პოლიტიკურ პოზიციებს. რუსეთის უკრაინაში სრულმასშტაბიანი შეჭრის შემდეგ ჟურნალისტური საზოგადოება გაერთიანდა და დაუპირისპირდა რუსულ პროპაგანდას. დღეს უკრაინა იბრძვის დამოუკიდებლობისთვის ყველა შესაძლო გზით. სამწუხაროდ, ამ სასტიკ ბრძოლაში არის მსხვერპლიც“, - აცხადებენ უკრაინის გენპროკურატურაში.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო